আমেৰিকাই নিজৰ ফালৰ পৰা ইৰাণ আৰু পেলেষ্টাইনীসকলক সকলো সময়তে ভাবুকি দি থাকে। যদিও এই ভাবুকিবোৰে ইৰাণ বা পেলেষ্টাইনৰ ওপৰত কোনো বিশেষ প্ৰভাৱ পেলোৱা যেন নালাগে, তথাপিও আমেৰিকাই নিজৰ আগ্ৰাসন প্ৰদৰ্শন কৰি আছে।
মাজে মাজে ইৰাণেও আমেৰিকাক নিজৰ ভাষাত সঁহাৰি জনায়। ইফালে ইয়াৰ মাজতে ইৰাণে দিছে আন এক ডাঙৰ বাৰ্তা।
শেহতীয়াকৈ আমেৰিকাৰ ৰাষ্ট্ৰপতি ড’নাল্ড ট্ৰাম্পে পেলেষ্টাইনীসকলক সম্পূৰ্ণৰূপে নিঃশেষ কৰিম বুলি এটা বিবৃতি দিয়ে, লগতে ট্ৰাম্পে ইৰাণৰ বিৰুদ্ধে পেলেষ্টাইনীসকলক উৎসাহিত কৰাৰো অভিযোগ উত্থাপন কৰে। এই বক্তব্যৰ পিছতেই ইৰাণত এক বৃহৎ নৌসেনাৰ পেৰেডৰ আয়োজন কৰা হয়, য’ত ৩০০০ৰো অধিক জাহাজে অংশগ্ৰহণ কৰিছে।
আমেৰিকা আৰু ইৰাণৰ মাজত উত্তেজনা বৃদ্ধি পোৱাৰ মাজতে ওমান উপসাগৰত এই অনুশীলন চলি আছে। ইৰাণৰ ওপৰত সৰ্বাধিক হেঁচা প্ৰয়োগৰ নীতিও গ্ৰহণ কৰিছে ট্ৰাম্পে।
ইৰাণৰ ক্ষমতা প্ৰদৰ্শনত পাৰস্য উপসাগৰত ইৰাণৰ ৩০০০ জাহাজৰ পেৰেডৰ আয়োজন কৰা হৈছিল, য’ত ইৰাণৰ সমৰ্থক দেশসমূহেও অংশগ্ৰহণ কৰিছিল।লেবানন, ইৰাক, য়েমেনকে ধৰি ইৰাণৰ মিত্ৰ দেশসমূহৰ জাহাজসমূহে এই পেৰেডত অংশগ্ৰহণ কৰে। তেওঁ এই কাৰ্যসূচীক নৌসেনাৰ শক্তিৰ প্ৰদৰ্শন আৰু ইজৰাইললৈ এক বাৰ্তা বুলি অভিহিত কৰে।
