আমেৰিকাত ৩১ বছৰীয়া এজন ভাৰতীয়মূলৰ যুৱকক ৩৫ বছৰৰ কাৰাদণ্ডৰ শাস্তি প্ৰদান কৰা হৈছে। তেওঁ এনে এটা অপৰাধ কৰিছে, যিয়ে লজ্জানত কৰিছে সমগ্ৰ মানৱ সমাজক।
এই কুকাণ্ড সংঘটিত কৰা ব্যক্তিজনৰ নাম হৈছে ছাই কুমাৰ কুৰেমুলা। কুৰেমুলাই ইমিগ্ৰেণ্ট ভিছাত ওকলাহোমাৰ এডমণ্ডত থাকে। কুৰেমুলাৰ বিৰুদ্ধে ছ’চিয়েল মিডিয়া এপৰ জৰিয়তে নাবালিকাৰ সৈতে অপকৰ্ম সংঘটিত কৰাৰ অভিযোগ উত্থাপন হৈছে। তেওঁ নিজেই তিনি নাবালিকাৰ সৈতে জঘন্য কাণ্ড সংঘটিত কৰা আৰু শিশু পৰ্ণগ্ৰাফী শ্বেয়াৰ কৰা বুলি স্বীকাৰ কৰিছে।
তেওঁ লগতে স্বীকাৰ কৰে যে, ভুক্তভোগীৰ আস্থা লাভ কৰিবলৈ তেওঁ নিজেও নাবালক (১৩-১৫ বছৰ বয়সৰ)ৰ ভাও ধৰিছিল।
আমেৰিকাৰ এটৰ্নী ৰবাৰ্ট ট্ৰষ্টাৰে দিয়া তথ্য অনুসৰি, আমেৰিকাৰ কেন্দ্ৰীয় কাৰাগাৰে তেওঁক ৪২০ মাহৰ কাৰাদণ্ডৰ শাস্তি প্ৰদান কৰিছে।
শাস্তি ঘোষণা কৰি আমেৰিকাৰ জিলা ন্যায়াধীশ চাৰ্লছ গুডউইনে কয় যে, এনে অপৰাধক সমাজে আটাইতকৈ জঘন্য ঘটনা বুলি গণ্য কৰে। ইফালে অপৰাধী কুৰেমুলাই ভুক্তভোগীসকলৰ ওপৰতো আঘাতৰ সৃষ্টি কৰিছে, যি তেওঁলোকৰ গোটেই জীৱনত প্ৰতিধ্বনিত হৈ ৰ’ব।
