বৰ্তমান সময়ত বেছিভাগেই চ’ডা খোৱাটো শৰীৰৰ পক্ষে অতি ভাল বুলি বিবেচনা কৰে। আনকি কিছুমান মানুহে ইয়াক নিয়মিতভাৱেও সেৱন কৰে। ৰাতিৰ আহাৰ খোৱাৰ পিছত চ’ডা খোৱাটো তেওঁলোকৰ দৈনন্দিন কামৰ অংশ যদিও বাস্তৱত চ’ডাই স্বাস্থ্যৰ উপকাৰতকৈ অধিক ক্ষতি কৰে।
কিছুদিনৰ পৰা ডায়েট ছ’ডা (ড্ৰিংকিং ছ’ডা) আৰু আন বহু ধৰণৰ চ’ডাও বজাৰত উপলব্ধ হৈছে। আনকি বহুতো কাৰ্বনেটেড পানীয়ও আছে, যিবোৰ শিশুৰ পৰা প্ৰাপ্তবয়স্কলৈকে সকলো বয়সৰ মানুহে সেৱন কৰি ভাল পায়।
বহুতে বিশ্বাস কৰে যে চ’ডা সেৱন কৰাটোৱে হজম শক্তিত সহায় কৰে আৰু গেছ সম্পৰ্কীয় সমস্যাৰ পৰা সকাহ দিয়ে কিন্তু হয়তো আপুনি নাজানে যে, নিয়মিতভাৱে চ’ডা সেৱন কৰিলে ই আপোনাৰ জীৱনত ইয়াৰ উপকাৰিতাৰ তুলনাত আপোনাৰ স্বাস্থ্যৰ বাবে অধিক ক্ষতিকাৰক বুলি প্ৰমাণিত হ’ব পাৰে।
ইয়াৰোপৰি অধিক পৰিমাণে চ’ডা সেৱন কৰিলে আমাৰ শৰীৰত ফেটি লিভাৰৰ সমস্যাৰ সৃষ্টি কৰিব পাৰে। লগতে যকৃতত অত্যধিক চৰ্বি জমা হোৱাৰ ফলত শৰীৰৰ যথেষ্ট ক্ষতি হয়। গতিকে যদি আপুনিও বেছিকৈ চ’ডা সেৱন কৰে, তেন্তে আজিয়েই এই কাম ত্যাগ কৰা উচিত।
চ’ডা খালে আমাৰ দাঁততো প্ৰভাৱ পৰিব পাৰে। চ’ডাই আমাৰ দাঁতৰ ক্ষয় কৰে আৰু লগতে মেদবহুলতাৰ দৰে গুৰুতৰ ৰোগৰো সৃষ্টি কৰে। চ’ডাত প্ৰচুৰ পৰিমাণে কেল’ৰি থাকে, যি শৰীৰৰ বাবে অত্যন্ত ক্ষতিকাৰক। লগতে কেন্সাৰৰ দৰে জটিল ৰোগকো আমন্ত্ৰণ জনাব পাৰে।
নিয়মিতভাৱে চ’ডা সেৱন কৰিলে হৃদৰোগ আৰু আনুষংগিক সমস্যাত আক্ৰান্ত হোৱাৰ সম্ভাৱনা বৃদ্ধি পায়। এটা বৃহৎ, দীৰ্ঘম্যাদী অধ্যয়নত এইটোও দেখা গৈছে যে, যিসকল পুৰুষে দৈনিক এটা বা তাতকৈ অধিক চেনিযুক্ত চ’ডা সেৱন কৰে, তেওঁলোকৰ হাৰ্ট এটেক বা মৃত্যুৰ সম্ভাৱনা ২০ শতাংশ বেছি। একেধৰণৰ আন এক অধ্যয়নত দেখা গৈছে যে, যিসকল মহিলাই দৈনিক চ’ডা সেৱন কৰে, তেওঁলোকৰ হাৰ্ট এটেক বা হৃদৰোগৰ ফলত হোৱা মৃত্যুৰ সম্ভাৱনা ৪০ শতাংশ বেছি।
