ৰাজ্যত কাঠফুলাৰ দৰে গঢ়ি উঠা ৰিহেব চেন্টাৰকৈ লৈ সৰব হৈ পৰিছে মন্ত্ৰী পীযুষ হাজৰিকা। নীতি-নিয়মক অংগুষ্ঠ কৰি ৰাজ্যত পৰিচালনা হৈ থকা ৰিহেব চেন্টাৰক নাকী লগাবলৈ পীযুষ হাজৰিকাই ১ আগষ্টৰ পৰা SOP জাৰি কৰিছে। প্ৰতিখন ৰিহেব চেন্টাৰে পালন কৰিব লাগিব এই নিয়ম। নিয়ম ভংগ কৰা ৰিহেব চেন্টাৰৰ বাতিল হ’ব অনুজ্ঞাপত্ৰ। চৰকাৰী-বেচৰকাৰী ৰিহেব চেন্টাৰৰ ক্ষেত্ৰত প্ৰযোজ্য হ’ব এই নিয়ম।
ৰাজ্যৰ সামাজিক ন্যায় সৱলীকৰণ বিভাগৰ মন্ত্ৰী পীযুষ হাজৰিকাই জনতা ভৱনত নিচা মুক্তি কেন্দ্ৰ সংস্থা আৰু স্বত্বাধিকাৰী লগত অসম ৰিহেব চেন্টাৰৰ SOP সন্দৰ্ভত আলোচনা কৰে।
এই SOP ত কেইবাটাও নিয়ম ধাৰ্য কৰা হৈছে। ধাৰ্য কৰা নিয়মসমূহ হৈছে-
১. প্রতিটো ৰিহেব চেন্টাৰত এজনকৈ থাকিব লাগিব Project coordinator
২. Project coordinator জনৰ শিক্ষাগত অৰ্হতা হ’ব লাগিব স্নাতক ডিগ্ৰীধাৰী
৩. ৰিহেব চেন্টাৰত থাকিব লাগিব Office Assistant
৪. Office Assistant ৰ শিক্ষাগত অৰ্হতা হ’ব লাগিব স্নাতক
৫. ২৫ জন ৰোগীৰ পৰিৱৰ্তে এজনকৈ থাকিব লাগিব ৰান্ধনী, এজন সহায়ক
৬. ২৫জন ৰোগীৰ বাবে থাকিব লাগিব দুগৰাকী নাৰ্ছ, দুজন ৱাৰ্ড বয়
৭. চিকিৎসক ২৪ ঘন্টাই ON CALL ত থাকিব লাগিব
৮. সপ্তাহত দুজন চিকিৎসক ৰিহেব চেন্টাৰত আহিব লাগিব
৯. পুৰুষ-মহিলাৰ ৱাৰ্ড পৃষক হ’ব লাগিব
১০. তিনিবছৰত ৰিহেব চেন্টাৰ হ’ব লাগিব ৰিনিউ
১১. HIV, ড্ৰাগচ আসক্ত ৰোগী আহিলে ART চেন্টাৰত চিকিৎসা কৰিব লাগিব
ইফালে, ৰিহেব চেন্টাৰ সন্দৰ্ভত পীযুষ হাজৰিকাই ভাষণ প্ৰসংগত কয় যে, ৰিহেব চেন্টাৰ জেইল নহয়। ৰাজ্যত বৰ্তমান ড্ৰাগছ আসক্ত ৰোগীৰ সংখ্যা বৃদ্ধি হৈছে। এনেকুৱা ৰোগীৰ ক্ষেত্ৰত কঠোৰ হ’ব লাগিব কৰ্তৃপক্ষ।
আনহাতে, নতুনকৈ কোনো লোকে যদি ৰিহেব চেন্টাৰ মুকলি কৰে তেতিয়াহ’লে জিলা আয়ুক্তৰ পৰা অনুমতি ল’ব লাগিব। প্ৰথম পৰ্যায়ত জিলা পৰ্যায়ত পৰ্যালোচনা কৰিব তাৰ পিছত ৰাজ্যিক পৰ্যায়ত পৰ্যালোচনা কৰা হ’ব। ৰাজ্যিক কমিটিয়ে ল’ব সিদ্ধান্ত। ইফালে, ৰিহেব চেন্টাৰত কোনো লোকৰ মৃত্যু হ’লে কৰ্তৃপক্ষৰ বিৰুদ্ধে কঠোৰ হ’ব চৰকাৰ।
