ধেমাজি জিলাৰ চিলাপথাৰত আৰ্চিপথাৰত সংঘটিত এক ভয়ংকৰ পথ দুৰ্ঘটনাত দুজন লোকৰ থিতাতে মৃত্যু হোৱাৰ লগতে আন এজন গুৰুতৰভাৱে আহত হয়। চিলাপথাৰ আৰক্ষী থানাৰ অন্তৰ্গত আৰ্চিপথাৰৰ ৫১৫ নং ৰাষ্ট্ৰীয় ঘাইপথত সংঘটিত হয় এই ভয়ংকৰ পথ দুৰ্ঘটনাটো।
জানিব পৰা মতে, জোনাই অভিমুখী AS22H9832 নম্বৰৰ তীব্ৰ বেগী বাইক এখনে ডিমৌ মাজৰবাৰী অভিমুখে যোৱা AS06AK0657 নম্বৰৰ বাইকখনক প্ৰচণ্ড জোৰত খুন্দা মাৰে।
এই সংঘৰ্ষ ইমানেই ভয়ংকৰ আছিল দুয়োখন বাইকত থকা দুজন লোকৰ থিতাতে মৃত্যু হয়। থিতাতে মৃত্যু হোৱা দুজন লোকৰ এজনক আৰোহী সমিৰন দাস বুলি চিনাক্ত কৰা হৈছে। আনজন মৃত লোকৰ পৰিচয় জানিব পৰা হোৱা নাই।
ইফালে দুৰ্ঘটনাত গুৰুতৰভাৱে আহত হোৱা এজন আৰোহীক সংকটজনক অৱস্থাত উন্নত চিকিৎসাৰ বাবে ডিব্ৰুগড়লৈ প্ৰেৰণ কৰা হৈছে। আনহাতে ঘটনাস্থলীত স্থানীয় আৰক্ষী উপস্থিত হৈ দুৰ্ঘটনাটোৰ তদন্ত অব্যাহত ৰাখিছে।
