অৱশেষত গুৱাহাটীত আহি উপস্থিত হ’ল বিতৰ্কিত শ্যামকানু মহন্ত। বুধবাৰে নিশা বৰঝাৰ বিমান বন্দৰত উপস্থিত হোৱাৰ খবৰ পোৱা গৈছে। বিভিন্ন ধৰণৰ সংবাদ মাধ্যমৰ পৰা নিশা ১১.৪০ বজাত এয়াৰ ইণ্ডিয়া বিমানযোগে শ্যামকানু মহন্ত গুৱাহাটীত উপস্থিত হোৱাৰ সম্ভাৱনা পোৱা গৈছে।
আজিয়েই এই শ্যামকানু মহন্ত নামৰ বেপাৰীজনক গ্ৰেপ্তাৰ কৰাৰ সম্ভাৱনা আছে। ইফালে যিকোনো মূহুৰ্তত গ্ৰেপ্তাৰ হ’ব পাৰে মেনেজাৰ সিদ্ধাৰ্থ শৰ্মা। অসম আৰক্ষীয়ে ধৰা পেলাইছে জুবিন গাৰ্গৰ মেনেজাৰ সিদ্ধাৰ্থ শৰ্মাৰ অৱস্থিতি।
ইফালে শ্যামকানু মহন্তৰ গুৱাহাটীস্থ ঘৰৰ সন্মুখত কটকটীয়া নিৰাপত্তা ব্যৱস্থা কৰা হৈছে। জুবিনৰ অনুৰাগীয়ে অপ্ৰীতিকৰ পৰিস্থিতি সৃষ্টি কৰাৰ আশংকাত এই ব্যৱস্থা লোৱা হৈছে। শ্যামকানু মহন্তৰ বাসগৃহলৈ যোৱা কাৰ্বি পথতো মোতায়েন কৰা হৈছে CPRF বাহিনী।
উল্লেখ্য যে, অসমৰ হাৰ্টথ্ৰব জুবিন গাৰ্গৰ অকাল বিয়োগৰ সৈতে সাঙোৰ খাইছে শ্যামকানু মহন্তৰ তথা সিদ্ধাৰ্থ শৰ্মাৰ নাম। জুবিন মৃত্যু পিছতে শ্যামকানু মহন্তৰ বিৰুদ্ধে ৰাজ্যজুৰি দাখিল কৰা হৈছে গোচৰ। ১৮/২০২৫ নম্বৰত CIDত ৰুজু হৈছে BNS 105 আৰু BNS 106 ধাৰাত গোচৰ। ইতিমধ্যে এই গোচৰৰ অনুসন্ধাৰ আৰম্ভ কৰিছে CIDৰ দলে।
