অন্ত পৰিল বেপাৰী শ্যামকানু মহন্ত, জুবিন গাৰ্গৰ মেনেজাৰ সিদ্ধাৰ্থ শৰ্মা, জুবিন গাৰ্গৰ ভাতৃসম সন্দীপন গাৰ্গ, দুই দেহৰক্ষী পৰেশ বৈশ্য আৰু নন্দেশ্বৰ বৰাৰ আৰক্ষীৰ জিম্মাৰ ম্যাদ। আদালত চৌহদত গঢ়ি তোলা হৈছে কটকটীয়া নিৰাপত্তা ব্যৱস্থা।
আজি পুলিচৰ আবেষ্টনীৰ মাজেৰে নীলা ৰঙৰ বাহনত উঠাই CID কাৰ্যালয়ৰ পৰা CJM আদালতলৈ লৈ যোৱা হ’ল শ্যামকানু-সিদ্ধাৰ্থ, সন্দীপন, পৰেশ আৰু নন্দেশ্বৰক।
এতিয়া জুবিন গাৰ্গৰ মৃত্যুৰ গোচৰৰ ৫ অভিযুক্তৰ পৰৱৰ্তী ঠিকনা কি হ’ব ইয়াকে সকলোৰে মনত প্ৰশ্নৰ উদয় হৈছে। উল্লেখ্য যে, আয় বহিৰ্ভূত সম্পত্তিৰ পাহাৰ গঢ়িছে শ্যামকানু মহন্ত আৰু সিদ্ধাৰ্থ শৰ্মাই। ইয়াৰ বাবে পুনৰ গ্ৰেপ্তাৰ হ’ব পাৰে শ্যামকানু মহন্ত আৰু সিদ্ধাৰ্থ শৰ্মা।
আনহাতে শুকুৰবাৰে SITৰ জিম্মাৰ ম্যাদ উকলিব শেখৰজ্যোতি গোস্বামীৰ আৰু অমৃতপ্ৰভা মহন্তৰ। ইয়াৰ পিছত শেখৰ-অমৃতপ্ৰভাকো আদালতত হাজিৰ কৰা হ’ব।
