২৩ জুলাইত কেন্দ্ৰীয় বিত্তমন্ত্ৰী নিৰ্মলা সীতাৰমণে দাখিল কৰিছে ২০২৪-২৫ বৰ্ষৰ পূৰ্ণাংগ বাজেট। এই বাজেট ভাষণত বিত্তমন্ত্ৰী নিৰ্মলা সীতাৰমণে কেইবাটাও ডাঙৰ ডাঙৰ ঘোষণা কৰিছে।
নতুন ঘোষণা অনুসৰি ক’লা ধন উপাৰ্জনকাৰীসকলে সহজে দেশ এৰি যাব নোৱাৰিব। দেশ এৰি যোৱাসকলৰ বাবে কঠোৰ কৰা হৈছে এই নিয়ম।
আয়কৰ (আই টি) আইনৰ ২৩০ নং ধাৰা অনুসৰি, দেশ এৰি যোৱাৰ আগতে ভাৰতত বসবাস কৰা যিকোনো ব্যক্তিয়ে কৰ কৰ্তৃপক্ষৰ পৰা গ্ৰহণ কৰিব লাগিব কৰ ক্লিয়াৰেঞ্চ প্ৰমাণ পত্ৰ। যি প্ৰমাণ পত্ৰই নিশ্চিত কৰিব যে ব্যক্তিজনৰ কোনো অপৰিশোধিত কৰ নাইবা তেওঁ সকলো ধৰণৰ বকেয়া পৰিমাণ পৰিশোধ কৰাৰ ব্যৱস্থা কৰিছে।
চৰকাৰে বাজেট ক্লিয়াৰেন্স প্ৰমাণ পত্ৰ প্ৰাপ্ত কৰাৰ বাবে কঠোৰ কৰি তুলিছে কিছু নিয়ম। ১ অক্টোবৰৰ পৰা কাৰ্যকৰী হ’ব এই নতুন নিয়ম।
টেক্স ক্লিয়াৰেঞ্চ প্ৰমাণ পত্ৰ কি?
কৰ ক্লিয়াৰেন্স প্ৰমাণপত্ৰ হৈছে কৰ কৰ্তৃপক্ষৰ দ্বাৰা দিয়া এক বিবৃতি যে কৰদাতাই তেওঁৰ সকলো বকেয়া কৰ ঋণ পৰিশোধ কৰিছে বা কোনো কৰ পৰিশোধ কৰাৰ বাবে দায়বদ্ধ নহয়। কৰ ক্লিয়াৰেন্স প্ৰমাণ পত্ৰ হৈছে, সাৰাংশত, ৰাজ্য চৰকাৰৰ বিভাগৰ দ্বাৰা জাৰি কৰা এক নথি, সাধাৰণতে ৰাজহ বিভাগ।
ইক’নমিক টাইমছে জনোৱা মতে, ভাৰতৰ প্ৰতিগৰাকী বাসিন্দাই আয়কৰ ৰিটাৰ্ণ দাখিল কৰাৰ সময়ত সকলো বিদেশী সম্পত্তি (শ্বেয়াৰ আৰু ছিকিউৰিটিজৰ দৰে বিনিয়োগকে ধৰি) আৰু এই সম্পত্তিৰ পৰা হোৱা যিকোনো আয় প্ৰকাশ কৰিব লাগিব। যদি তেওঁলোকে বিদেশী আয় আৰু সম্পত্তিৰ ৰিপ’ৰ্ট নিদিয়ে বা তেওঁলোকৰ সৈতে জড়িত আইটিআৰ দাখিল কৰাত ব্যৰ্থ হয়, তেন্তে সম্পত্তিৰ মূল্য যিয়েই নহওক কিয়, ক’লা ধন আইনৰ ৪২ বা ৪৩ নং ধাৰাত তেওঁলোকে ১০ লাখ জৰিমনা ভৰিব লাগিব পাৰে। কিন্তু মুঠ বেলেঞ্চ ৫ লাখতকৈ অধিক নোহোৱা এটা বা ততোধিক বেংক একাউণ্টৰ ক্ষেত্ৰত এই ধাৰাসমূহ প্ৰযোজ্য নহয়।
