পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• মুখ্যমন্ত্ৰী হিচাপে দায়িত্ব লোৱাৰ পিছতে ড০ হিমন্ত বিশ্ব শৰ্মাৰ ১২ টা ডাঙৰ সিদ্ধান্ত। পেট্ৰ’ল আৰু ডিজেলৰ ১৫ৰ পৰা ২০ বছৰীয়া পুৰণি গাড়ী বন্ধ কৰিব চৰকাৰে। পূৰ্বতকৈ চৰকাৰে ক্ৰয় কৰিব ২০ শতাংশ কম পেট্ৰল ডিজেল। অহা ছমাহলৈ নতুন গাড়ী ক্ৰয় নকৰে ৰাজ্য চৰকাৰে। মন্ত্ৰীসকলেও নাপাব নতুন গাড়ী। গাড়ী ভাৰা ল’লে বৈদ্যুতিক বাহন লোৱা হ’ব। লগতে মুখ্যমন্ত্ৰীয়ে হ্ৰাস কৰিব নিজৰ কনভয়ৰ সংখ্যা।
• অন কেমেৰা প্ৰচণ্ড ধুমুহাই উৰুৱাই নিয়ে যুৱকক। ভয়ংকৰ ধুমুহাত এইপৰ্যন্ত ৭৪ জনৰ প্ৰাণহানি। ১০০ কিলোমিটাৰ গতিবেগত অহা ধুমুহাত বিস্তৰ ক্ষতি। উত্তৰ প্ৰদেশৰ ৩৮ খন জিলাত কালৰূপ ধৰিছে ধুমুহাই। ধুমুহাই উৰুৱাই নিয়ে বহু লোকৰ বাসগৃহৰ লগতে বহু বিলাসী বাহন। ধুমুহাৰ বাবে ব্যাহত হৈ পৰিছে বিজুলী আৰু যোগাযোগ ব্যৱস্থা।
• যিকোনো মুহূৰ্ততে বৃদ্ধি পাব পাৰে পেট্ৰ’ল-ডিজেলৰ দাম। ৰিজাৰ্ভ বেংক অব্ ইণ্ডিয়াৰ গৱৰ্ণৰে দিলে ডাঙৰ ইংগিত।RBI-ৰ গৱৰ্ণৰ সঞ্জয় মালহোত্ৰাৰ গুৰুত্বপূৰ্ণ মন্তব্য। পশ্চিম এছিয়াত চলি থকা সংঘাত দীৰ্ঘদিনীয়া সংঘাতৰ বাবেই  ধৰি চলি বিশ্বৰ বজাৰত খাৰুৱা তেলৰ দাম ক্ৰমাগতভাৱে বৃদ্ধি পোৱাৰ সম্ভাৱনা।পশ্চিম এছিয়াৰ সংকট অব্যাহত থাকিলে খুচুৰা ইন্ধনৰ দাম বৃদ্ধি লগতে পৰিবহণ খৰচ আৰু মুদ্ৰাস্ফীতি দুয়োটাই বৃদ্ধি হোৱাৰ সম্ভাৱনা আছে।
• ভাৰত চৰকাৰৰ গুৰুত্বপূৰ্ণ সিদ্ধান্ত। চেনিৰ ৰপ্তানিক লৈ গুৰুত্বপূৰ্ণ সিদ্ধান্ত। চেনিৰ ৰপ্তানিক লৈ ৩০ ছেপ্টেম্বৰ পৰ্যন্ত এই নিষেধাজ্ঞা। মধ্যপ্ৰাচ্যৰ যুদ্ধৰ কাৰণে এই নিষেধাজ্ঞা ভাৰত চৰকাৰৰ।