তিব্বতীয় মালভূমিৰ গুলিয়া হিমবাহৰ বৰফৰ কেন্দ্ৰৰ পৰা বিজ্ঞানীসকলে উদ্ধাৰ কৰিছে ১৭০০ তকৈও অধিক ভাইৰাছ প্ৰজাতিৰ জিনম। তেওঁলোকৰ কিছুমানৰ বয়স ৪১ হাজাৰ বছৰ।
হিমালয়ৰ বৰফ উপত্যকাত বিজ্ঞানীসকলে আৱিষ্কাৰ কৰিছে এই প্ৰাচীন ভাইৰাছ। ২০,০০০ ফুটতকৈও ওপৰৰ গুলিয়া হিমবাহৰ পৰা ১৭০৫ টা ভাইৰাছৰ জিনম উদ্ধাৰ কৰা হৈছে। ইয়াৰে কিছুমান প্ৰজাতি ৪১ হাজাৰ বছৰতকৈও অধিক পুৰণি। ২
৬ আগষ্টত নেচাৰ জিঅ’চাইন্স জাৰ্নেলত প্ৰকাশিত এক অধ্যয়নত এই ভাইৰাছৰ বিষয়ে তথ্য দিয়া হৈছে। এই অধ্যয়নটোৰ নেতৃত্ব দিছিল আমেৰিকা যুক্তৰাষ্ট্ৰৰ ওহিঅ’ ষ্টেট ইউনিভাৰ্চিটিৰ এজন পেলিঅক্লিমেটোলজিষ্ট আৰু গ্লেচিঅ’লজিষ্ট লনি থম্পছনে।
থম্পচন আৰু তেওঁৰ দলৰ দ্বাৰা আৱিষ্কৃত ১৭০৫ টা জিনম সকলোবোৰ প্ৰকেৰিয়ট ভাইৰাছৰ পৰা আহিছে। এনে ভাইৰাছে বেক্টেৰিয়া আৰু আৰ্কিয়া সংক্ৰমিত কৰে। মানুহ, জন্তু বা আনকি উদ্ভিদৰ পৰা সংক্ৰমণ হোৱাৰ আশংকা নাই। কিন্তু এই প্ৰাচীন জীৱাণুবোৰ এসময়ত স্থানীয় পৰিৱেশৰ বাবে অতি গুৰুত্বপূৰ্ণ আছিল।
বিজ্ঞানীসকলে হিমবাহৰ ৩১০ মিটাৰ দীঘল বৰফৰ কেন্দ্ৰৰ পৰা যিমান পাৰে সিমান ডিএনএ আহৰণ কৰিছিল। প্ৰতিটো নমুনা পৃথক সময় আৰু পৃথক জলবায়ুৰ। আটাইতকৈ কনিষ্ঠ নমুনাটো ১৬০ বছৰ পুৰণি আছিল, আৰু আটাইতকৈ পুৰণি নমুনাটো ৪১ হাজাৰ বছৰতকৈও অধিক পুৰণি।
বিজ্ঞানীসকলে তেওঁলোকৰ নমুনাবোৰ জ্ঞাত ভাইৰেল ৰেকৰ্ডৰ সৈতে তুলনা কৰে আৰু অণুজীৱবোৰৰ জৈৱভৌগোলিক উৎপত্তি মূল্যায়ন কৰে।
