ড০ এ.পি.জে আব্দুল কালাম দেশৰ ১১তম ৰাষ্ট্ৰপতি আছিল। ‘মিছাইল মেন অৱ ইণ্ডিয়া’ হিচাপে জনাজাত কালামৰ জন্মদিন বিশ্ব ছাত্ৰ দিৱস হিচাপে পালন কৰা হয়।
বিশ্ব ছাত্ৰ দিৱস ১৫ অক্টোবৰত পালন কৰা হয়। এই দিৱসটো ভাৰতৰ প্ৰাক্তন ৰাষ্ট্ৰপতি ড০ এ পি জে আব্দুল কালামৰ জন্ম জয়ন্তী হিচাপে পালন কৰা হয়। ড০ এ.পি.জে. আব্দুল কালাম প্ৰায় প্ৰতিজন শিক্ষাৰ্থীৰ বাবে অনুপ্ৰেৰণা। তেওঁ ভাৰতৰ মিছাইল মেন, যি নিজৰ সৰলতা আৰু কামৰ বাবে বিশ্বজুৰি জনাজাত।
প্ৰয়াত এৰোস্পেচ বিজ্ঞানী, শিক্ষাবিদ আৰু প্ৰাক্তন ৰাষ্ট্ৰপতি ড০ এ.পি.জে আব্দুল কালামৰ জন্ম জয়ন্তীত প্ৰতি বছৰে ১৫ অক্টোবৰত ইয়াক উদযাপন কৰা হয়। ড০ আব্দুল কালামে শিক্ষাৰ ক্ষেত্ৰত বহুতো প্ৰচেষ্টা চলাইছিল, যাৰ বাবে তেওঁ ছাত্ৰ জীৱনৰ বাবে অনুপ্ৰেৰণা। এই দিনটো তেওঁৰ সন্মানত উদযাপন কৰা হৈছে। ড০ এ.পি.জে আব্দুল কালামক “জনসাধাৰণৰ ৰাষ্ট্ৰপতি” হিচাপেও মৰমেৰে স্মৰণ কৰা হয়। আব্দুল কালামৰ জন্ম ১৯৩১ চনৰ ১৫ অক্টোবৰত দক্ষিণ ভাৰতৰ ৰামেশ্বৰমত হৈছিল। ২০০২ চনৰ ১৮ জুলাইত তেওঁক ভাৰতৰ একাদশ ৰাষ্ট্ৰপতি হিচাপে মনোনীত কৰা হয়।
বিশ্ব শিক্ষাৰ্থী দিৱস ২০২৪ ৰ বিষয়বস্তু-
বিশ্ব শিক্ষাৰ্থী দিৱস প্ৰতি বছৰে এক নিৰ্দিষ্ট বিষয়বস্তুৰ অধীনত পালন কৰা হয়। ২০২৪ বৰ্ষৰ এই দিনটোৰ বিষয়বস্তু হৈছে ‘ছাত্ৰ-ছাত্ৰীৰ ভৱিষ্যতৰ বাবে সামগ্ৰিক শিক্ষা’। ইয়াৰ উদ্দেশ্য হৈছে শিক্ষাৰ্থীসকলৰ সামগ্ৰিক বিকাশৰ ওপৰত গুৰুত্ব দিয়া আৰু শিক্ষাক কেৱল শৈক্ষিক সাফল্যত সীমাবদ্ধ নকৰি ইয়াৰ পৰিসৰ বৃদ্ধি কৰা।
বিশ্ব শিক্ষাৰ্থী দিৱস উদযাপনৰ আৰম্ভণি
২০১০ চনত প্ৰথমবাৰৰ বাবে ড০ এ.পি.জে আব্দুল কালামক ৰাষ্ট্ৰসংঘই ভাৰত ৰত্ন প্ৰদান কৰে। আব্দুল কালামৰ ৭৯ তম জন্ম জয়ন্তীক বিশ্ব ছাত্ৰ দিৱস হিচাপে উদযাপন কৰাৰ কথা ঘোষণা কৰা হৈছিল। তেতিয়াৰে পৰা, প্ৰতি বছৰে ১৫ অক্টোবৰত বিশ্ব শিক্ষাৰ্থী দিৱস উদযাপন কৰা হয়।
তেওঁ বিশ্বাস কৰিছিল যে, শিক্ষকসকল সমাজৰ নিৰ্মাতা কিয়নো তেওঁলোক শিক্ষাৰ্থীসকলক নিজ নিজ বিষয়ত দক্ষ কৰাৰ বাবে দায়বদ্ধ। কালামে তেওঁৰ গোটেই জীৱনটো শিক্ষাৰ্থীসকলৰ শিক্ষা আৰু কল্যাণৰ বাবে উৎসৰ্গিত কৰিছিল।
তেওঁ ২০০২ চনৰ পৰা ২০০৭ চনলৈ ভাৰতৰ ১১তম ৰাষ্ট্ৰপতি হিচাপে আছিল।তেওঁৰ শিক্ষা আৰু অনুপ্ৰেৰণামূলক কথাবোৰে আজিও লাখ লাখ শিক্ষাৰ্থীক পথ প্ৰদৰ্শন কৰি আহিছে।
বিশ্ব শিক্ষাৰ্থী দিৱসৰ তাৎপৰ্য
বিশ্ব শিক্ষা দিৱস সকলো শিক্ষাৰ্থীৰ বাবে উৎসৰ্গিত, যিসকলে শিক্ষাৰ জৰিয়তে নিজৰ আৰু সমাজৰ ভৱিষ্যত উন্নত কৰিবলৈ চেষ্টা কৰে। ড০ কালামে প্ৰতিদিনে কৈ আহিছিল যে শিক্ষাৰ্থীসকল দেশৰ ভৱিষ্যত, আৰু তেওঁলোকক সু-শিক্ষা দিয়া আৰু সঠিক দিশ দেখুওৱাটো সমাজৰ দায়িত্ব। এই দিৱস উদযাপনৰ উদ্দেশ্য হৈছে-শিক্ষাৰ্থীসকলৰ মাজত শিক্ষা, সৃজনশীলতা আৰু উদ্ভাৱনৰ প্ৰচাৰ কৰা।
