আজি অৰ্থাৎ ১৭ অক্টোবৰত ভাগ্য নিৰ্ণয় হ’ব অসমৰ। উচ্চতম ন্যায়ালয়ে দিব গুৰুত্বপূৰ্ণ ৰায়দান। নাগৰিকত্বৰ ভিত্তিবৰ্ষক লৈ আহিব ৰায়দান।পুৱা ১০.৩০ বজাত উচ্চতম ন্যায়ালয়ে দিব ৰায়
নাগৰিকত্ব আইন ১৯৫৫ৰ 6A ধাৰা সন্দৰ্ভত প্ৰদান কৰিব ৰায়দান। নাগৰিকত্ব আইন ১৯৫৫ৰ 6A ধাৰাক প্ৰত্যাহ্বান জনোৱা আবেদনক লৈ দিব ৰায়। সন্মিলিত মহাসংঘৰ মতিউৰ ৰহমানে ভিত্তিবৰ্ষ সন্দৰ্ভত গোচৰ দিছিল ন্যায়ালয়ত।6A ধাৰাক প্ৰত্যাহ্বান জনাই অসম সন্মিলিত মহাসংঘই তৰিছিল গোচৰ।
মহাসংঘৰ এই গোচৰ সন্দৰ্ভত ৰায়দান প্ৰদান কৰিব মুখ্য ন্যায়াধীশ ধনঞ্জয় যশৱন্ত চন্দ্ৰচূড়ৰ নেতৃত্বত ৫জনীয়া বিচাৰপীঠে দিব ৰায়।৫৬২/২০১২ নম্বৰত বিচাৰাধীন হৈ আছিল এই বিষয়টো।৫ জনীয়া বিচাৰপীঠে ইতিমধ্যে গ্ৰহণ কৰিছে শুনানি।।২০১৫ চনত তদানীন্তন ন্যায়াধীশ ৰঞ্জন গগৈয়ে সাংবিধানিক বিচাৰপীঠলৈ প্ৰেৰণ কৰিছিল গোচৰটো।
অসমৰ নাগৰিকত্বৰ ভিত্তিবৰ্ষ ১৯৫১ নে ১৯৭১ হ’ব সেই সন্দৰ্ভত দিব ৰায়। অসম সন্মিলিত মহাসংঘ কাৰ্যকৰী সভাপতি মতিউৰ ৰহমানে দাখিল কৰিছিল আবেদন। ২০২৩ চনৰ ১২ ডিচেম্বৰত ৫ জনীয়া বিচাৰপীঠে সংৰক্ষিত কৰি ৰাখিছিল ৰায়দান। আৰু বৃহস্পতিবাৰে ভিত্তিবৰ্ষৰ সন্দৰ্ভত চূড়ান্ত ৰায়দান দিব উচ্চতম ন্যায়ালয়ে।
উল্লেখ্য যে অসম চুক্তি অনুসৰি বিদেশী চিনাক্তকৰণ আৰু বহিষ্কৰণৰ বাবে নিৰ্ধাৰিত ১৯৭১ চনৰ ২৪ মাৰ্চ তাৰিখৰ ভিত্তিবৰ্ষক প্ৰত্যাহ্বান জনাই দাখিল কৰা হৈছিল এই গোচৰ। ৰায়দান প্ৰদান কৰিব মুখ্য ন্যায়াধীশ ধনঞ্জয় যশৱন্ত চন্দ্ৰচূড়ে আনহাতে বিচাৰপীঠত থাকিব ন্যায়াধীশ সূৰ্যকান্ত, এম এম সুন্দৰেশ, জে বি পাৰ্ডিৱালা আৰু মনোজ মিশ্ৰা।
আজি সৰ্বোচ্ছ ন্যায়ালয়ৰ এই ৰায়দানত উপস্থিত থাকিব আছুৰ নেতৃত্ব। উপস্থিত থাকিব আছুৰ মুখ্য উপদেষ্টা সমুজ্জ্বল ভট্টাচাৰ্য।
