ৰাষ্ট্ৰীয় ৰাজধানী দিল্লী আৰু এন চি আৰ এলেকাত বায়ু প্ৰদূষণ বিপদজনক পৰিস্থিতিত অব্যাহত আছে। বৰ্তমান দিল্লীৰ দিল্লীৰ বতাহ বিষাক্ত হৈ পৰিছে।বৃহস্পতিবাৰে পুৱা ইয়াত বায়ুৰ গুণাগুণ সূচকাংক ৩৮৪ হয়।
দিল্লীৰ বাৱানা, অশোক বিহাৰ, আনন্দ বিহাৰ, আলিপুৰ, নেহৰু নগৰ, দ্বাৰকা, জাহাংগীৰপুৰী, মুণ্ডকা, নাৰেলা, শদিপুৰ আৰু পাঞ্জাবী বাঘত ৪০০ৰ ওপৰত একিউআই ৰেকৰ্ড কৰা হৈছে।
বিষাক্ত বতাহৰ বাবে দিল্লীত বন্ধ কৰি দিয়া হৈছে স্কুল-কলেজ। চৰকাৰী কৰ্মচাৰীক ঘৰৰ পৰাই কাম কৰিবলৈ নিৰ্দেশ দিয়া হৈছে। দিল্লী চৰকাৰে বায়ু প্ৰদূষণ নিয়ন্ত্ৰণৰ বাবে কৃত্ৰিম বৰষুণ কৰাৰ কথাও চিন্তা কৰিছে।
দিল্লী-এনচিআৰৰ বায়ু অত্যন্ত বিষাক্ত হৈয়েই আছে। যাৰ বাবে জনসাধাৰণে বিপদজনক বায়ু প্ৰদূষণৰ আক্ৰমণৰ সন্মুখীন হৈছে।দিল্লী চৰকাৰে জলবায়ুৰ উন্নতিৰ বাবে বহু আঁচনিৰ কাম কৰি আছে। বায়ু প্ৰদূষণৰ পৰিপ্ৰেক্ষিতত প্ৰথমে ৰাজধানীত গ্ৰেপ-১ কাৰ্যকৰী কৰা হৈছিল, তাৰ পিছত বায়ুৰ গুণাগুণ অবিৰত বেয়া হোৱাৰ বাবে দিল্লীত গ্ৰেপ-৪ কাৰ্যকৰী কৰাৰ সিদ্ধান্ত লোৱা হৈছিল। বিগত দুদিন ধৰি বায়ুৰ গুণাগুণ সূচকাংকত সামান্য উন্নতি ঘটিছে। অৱশ্যে দিল্লীৰ AQI এতিয়াও বিপদজনক শিতানতেই আছে।
ফটকাৰ অনলাইন বিক্ৰী তৎক্ষণাত বন্ধ কৰাৰ নিৰ্দেশনা
দিল্লীৰ বায়ুৰ গুণাগুণ উন্নত কৰাৰ বাবে দিল্লী আৰক্ষীয়ে ই-কমাৰ্চ ৱেবছাইট আৰু ছ’চিয়েল মিডিয়া প্লেটফৰ্মসমূহক ৰাষ্ট্ৰীয় ৰাজধানীত ফটকাৰ অনলাইন বিক্ৰী অনতিপলমে বন্ধ কৰিবলৈ নিৰ্দেশ দিছে। দিল্লীৰ গ্ৰাহকক ফটকা বিক্ৰী কৰাত নিষেধাজ্ঞা আৰোপ কৰিছে আৰক্ষীয়ে। তথ্য অনুসৰি, বিগত ১৪ অক্টোবৰত দিল্লী চৰকাৰে জাৰি কৰা আদেশৰ অধীনত অহা বছৰৰ ১ জানুৱাৰীলৈকে ৰাষ্ট্ৰীয় ৰাজধানীত সকলো ধৰণৰ ফটকা নিৰ্মাণ, মজুত আৰু ফাটি যোৱাত সম্পূৰ্ণ নিষেধাজ্ঞা আৰোপ কৰা হৈছে। দিল্লী আৰক্ষীৰ ক্ৰাইম ব্ৰাঞ্চে জনোৱা মতে, ১৯ নৱেম্বৰত ই-কমাৰ্চ ৱেবছাইট আৰু ছ’চিয়েল মিডিয়া প্লেটফৰ্মলৈ ই-মেইলৰ জৰিয়তে নিৰ্দেশনা জাৰি কৰা হৈছে।
দিল্লীৰ এই অঞ্চলসমূহত বিপজ্জনক শিতানত AQI-
বৃহস্পতিবাৰে পুৱা ৫ বজাত দিল্লীৰ বায়ুৰ গুণাগুণৰ গড় সূচকাংক ৩৮৪ত ৰেকৰ্ড কৰা হয়। দিল্লীৰ বিভিন্ন অঞ্চলৰ বায়ুৰ গুণাগুণ সূচকাংকৰ কথা ক’বলৈ গ’লে পুৱা ৫ বজাত আনন্দ বিহাৰৰ একিউআই ৪০৯, আলিপুৰ ৪১৩, অশোক বিহাৰ ৪১৮, বাৱানা ৪২৩, কৰ্ণী সিং শ্বুটিং ৰেঞ্জ ৩৭৩, দ্বাৰকা ৪০৮, আইজিআই ৩৭৭, আইটিঅ’ ৩৬১, জাহাংগীৰপুৰী। ৪৩৯, মন্দিৰ মাৰ্গ ৩৭১, মুণ্ডকা ৪১৯, নাজাফগড় ৩৭৩, নৰেলা ৪০১, পাঞ্জাবী বাগ ৪১১, পাটপাৰগঞ্জ ৩৮৮, ওখলা ৩৮৩, আৰ কে পুৰম ৩৯৪, দ্বাৰকা ৩৭০, নেহৰু নগৰ ৪১০ আৰু শদিপুৰ ৪১৩।
