ধুবুৰী জিলাৰ গোলকগঞ্জত সংঘটিত হৈছে ভয়ংকৰ পথ দুৰ্ঘটনা। মাজ নিশা ধুবুৰীৰ আগমনীৰ গড়েৰহাটত সংঘটিত এই ভয়ংকৰ পথ দুৰ্ঘটনাত তিনিগৰাকী লোকৰ মৃত্যু হয়।
জানিব পৰা অনুসৰি, চাৰি বন্ধুৱে মটেৰঝাৰৰ পৰা AS-01AE-8360 নম্বৰৰ এখন ৱেগনাৰ বাহনেৰে পশ্চিম বংগ অভিমুখে যোৱাৰ পথত গড়েৰহাট বজাৰতে AS 01-QC-0519 নম্বৰৰ ধুবুৰী অভিমুখে ৰখাই থোৱা এখন আল্ট্ৰা ট্ৰাকত খুন্দা মাৰে।
এই দুৰ্ঘটনাত থিতাতে বাহনখনৰ চালকসহ তিনিগৰাকীৰ মৃত্যু হয় যদিও এজন গুৰুতৰভাৱে আহত হয়। আহত জনৰ অৱস্থা অতি সংকটজনক হোৱাত ধুবুৰী চিকিৎসা মহাবিদ্যালয়লৈ প্ৰেৰণ কৰে।
ইয়াৰে মৃত চালক জনৰ নাম বিকাশ কলিতা বুলি জানিব পৰা গৈছে। আন তিনিগৰাকীক চিনাক্ত কৰিব পৰা নাই।
দুৰ্ঘটনা সংঘটিত হোৱাৰ পিছতে ঘটনাস্থলত আগমনী আৰক্ষী উপস্থিত হৈ স্থানীয় ৰাইজৰ সহযোগত মৃতদেহ কেইটা উদ্ধাৰ কৰি আগমনী সমূহীয়া স্বাস্থ্য কেন্দ্ৰলৈ লৈ যায়।
