মহাৰাষ্ট্ৰৰ বিধানসভা নিৰ্বাচনৰ সময়ত এন চি পি শৰদ চন্দ্ৰ পাৱাৰ দলৰ নেতা শৰদ পাৱাৰৰ অৱসৰৰ কথা চৰ্চা হৈছিল। তেওঁৰ বয়স ৮৩ বছৰ। তেওঁৰ বয়সৰ ওপৰতো প্ৰশ্ন উত্থাপন হৈছিল। বিৰোধী দলসমূহে তেওঁৰ বয়সক লৈ প্ৰশ্ন উত্থাপন কৰিছিল।
এতিয়া নিৰ্বাচনত পৰাস্ত হৈছে শৰদ পাৱাৰৰ দল। মহাবিকাশ আঘাড়ীয়েও মাৰাত্মক পৰাজয়ৰ সন্মুখীন হৈছে। শৰদ পাৱাৰে স্বীকাৰ কৰে যে, তেওঁ এই নিৰ্বাচনৰ ফলাফল আশা কৰা নাছিল। একে সময়তে তেওঁৰ অৱসৰৰ সন্দৰ্ভত পুনৰ প্ৰশ্ন উত্থাপন হৈছে।
দেওবাৰে নিৰ্বাচনৰ ফলাফলৰ পিছত প্ৰথমবাৰৰ বাবে মৌনতা ভংগ কৰিলে শাৰদ পাৱাৰে। সংবাদমেলত নিৰ্বাচনৰ ফলাফল আৰু তেওঁৰ অৱসৰ সন্দৰ্ভত প্ৰশ্ন কৰা হয়।
তেওঁ কয় যে বিৰোধীয়ে মোৰ অৱসৰৰ কথা চিন্তা কৰিব নালাগে।
লগতে তেওঁ কয় যে- কালি ফলাফল ঘোষণা কৰা হ’ল। এই ফলাফলৰ পিছত ঘৰতে বহি থাকিলহেঁতেন যিকোনো ব্যক্তি। কিন্তু তেওঁ ঘৰতে বহি নাথাকে। তেওঁ ভবা নাছিল যে, যুৱ প্ৰজন্মই এই ফলাফল পাবলৈ সক্ষম হ’ব। তেওঁলোকৰ আত্মবিশ্বাস বাঢ়িব লাগে। শৰদ পাৱাৰৰ কাৰ্যসূচী হ’ব তেওঁলোকৰ আত্মবিশ্বাস বৃদ্ধি কৰা, আৰু নতুন উৎসাহেৰে এটা উৎপাদনশীল প্ৰজন্ম গঢ়ি তোলা।
শৰদ পাৱাৰে কয় যে, অজিত পাৱাৰৰ আসন বৃদ্ধি পাইছে। এই কথা অস্বীকাৰ কৰিব নোৱাৰি, কিন্তু মহাৰাষ্ট্ৰই জনা উচিত এন চি পিৰ প্ৰতিষ্ঠাপক কোন। তেওঁ কয় যে- তেওঁলোকৰ সহকৰ্মী আৰু শ্ৰমিকসকলে কঠোৰ পৰিশ্ৰম কৰিছে। পিছে কিয় এনে হ’ল তেওঁ ধৰিব পৰা নাই। এই বিষয়ে তেওঁ বিশ্লেষণ কৰিব লাগিব।
