শৰীৰত ভিটামিন D কমি গ’লে, ভুলতেও গ্ৰহণ কৰিব নালাগে এই খাদ্য

ভিটামিন D আমাৰ শৰীৰৰ বাবে এক অপৰিহাৰ্য উপাদান, কিয়নো ই হাড়ক মজবুত কৰা বা সুস্থ কৰি ৰখাৰ উপৰিও ই ৰোগ প্ৰতিৰোধ ক্ষমতাও শক্তিশালী কৰে।

ভিটামিন D হৈছে চৰ্বিত দ্ৰৱীভূত ভিটামিন য’ত ভিটামিন D1 , D2 আৰু D3 থাকে। সূৰ্যৰ পোহৰৰ পৰা পোনপটীয়াকৈ সেৱন কৰিলে আমাৰ শৰীৰত ভিটামিন D উৎপন্ন হয়। অৱশ্যে এই অত্যাৱশ্যকীয় পুষ্টিকৰ উপাদান বহু খাদ্য আৰু পৰিপূৰক দ্ৰব্যৰ জৰিয়তেও সেৱন কৰিব পাৰি।

ভিটামিন Dৰ অভাৱৰ বাবে বহুতো স্বাস্থ্যজনিত সমস্যাৰ সৃষ্টি হ’বলৈ আৰম্ভ কৰে। ইয়াৰ ভিতৰত স্বাস্থ্যজনিত সমস্যা যেনে- ভাগৰুৱা দেহা, বিষ, হাড়ৰ দুৰ্বলতা, মানসিক চাপৰ আশংকা আদি অন্তৰ্ভুক্ত।

কিন্তু যদি শৰীৰত ভিটামিন Dৰ অভাৱ হয়, তেন্তে তাৰ ক্ষতিপূৰণৰ বাবে মানুহে নিজৰ খাদ্যাভ্যাসৰ যত্ন ল’বলৈ আৰম্ভ কৰে।

জয়পুৰৰ আয়ুৰ্বেদ বিশেষজ্ঞ ডাঃ কিৰণ গুপ্তাই কয় যে, যদি শৰীৰত ভিটামিন ডিৰ অভাৱ হয় তেন্তে আমি কিছুমান বিশেষ বস্তু খোৱাৰ পৰা বিৰত থকা উচিত।

• চাহ আৰু কফি

ভাৰতীয়সকলে চাহ অবিহনে ৰাতিপুৱাটো আৰম্ভণি নকৰে, কিন্তু আমি জনা উচিত যে, কেফেইনযুক্ত খাদ্যই ভিটামিন Dৰ মাত্ৰাত ক্ষতি কৰিব পাৰে। ডাঃ কিৰণে কয় যে, আমি গোটেই দিনটোত একাপ বা দুকাপহে চাহ খাব লাগে, কিন্তু যদি ভিটামিন Dৰ মাত্ৰা কম হয়, তেন্তে ইয়াতকৈ বেছি কাপ চাহ খোৱাৰ ভুল কৰিব নালাগে।

• ননভেজ ফুডছ

বিশেষজ্ঞসকলে কয় যে ভিটামিন ডিৰ অভাৱ হ’লে আমি ৰঙা মাংস, মাছ, কণী আৰু কুকুৰাৰ দৰে নন-ভেজ খাদ্যৰ সেৱন কম কৰিব লাগে কাৰণ ইয়াত আইৰণ বেছি থাকে। কিন্তু এইবোৰ বস্তু লঘু ৰূপত ৰান্ধিব লাগে কাৰণ অত্যধিক তেল আৰু মছলা দি খালে সহজে হজম নহয়। এইদৰে প্ৰস্তুত কৰা খাদ্য সেৱন কৰিলে শৰীৰত আন বহুতো স্বাস্থ্যজনিত সমস্যাৰ সৃষ্টি হয়।

• জাংক আৰু তেলীয়া খাদ্য

সৰু ল’ৰা-ছোৱালীৰ পৰা আদি কৰি ডাঙৰলৈ বজাৰত পোৱা জাংক ফুডৰ সোৱাদ মানুহে ইমানেই ভাল পায় যে, ইচ্ছা কৰিলেও ইয়াক আওকাণ কৰিব নোৱাৰে। তেলীয়া বা জাংক ফুড হজম কৰাটো সহজ নহয় আৰু ইয়াৰ বাবেই আমাৰ উচ্চ কলেষ্টেৰল, চৰ্বিযুক্ত যকৃতকে ধৰি বহুতো সমস্যাৰ সন্মুখীন হ’বলৈ আৰম্ভ হয়।

• টেঙা বস্তু আৰু চাটনি

অতিমাত্ৰা অমিতা, আচাৰ, শুকান আমৰ গুড়ি আদি টেঙা বস্তু খোৱাৰ পৰা বিৰত থকা উচিত। কিয়নো এইবোৰে ভিটামিন ডি কম কৰিব পাৰে। ডাঃ গুপ্তাই কৈছে যে, যিসকলৰ হাড়ত বিষ হয় বা হাড় ফুলি উঠে, তেওঁলোকে এই টেঙা বস্তু ভুলতেও খাব নালাগে, কাৰণ ইয়াৰ দ্বাৰা ইউৰিক এচিডৰ মাত্ৰা বৃদ্ধি পাব পাৰে। এনে পৰিস্থিতিত বাতবিষৰ সমস্যাও বৃদ্ধি পায়।