অৱসৰৰ কথা ঘোষণা কৰিলে টীম ইণ্ডিয়াৰ প্ৰবীণ ক্ৰিকেটাৰ ৰবিচন্দ্ৰন অশ্বিনে। আন্তঃৰাষ্ট্ৰীয় ক্ৰিকেটত পুনৰ দেখিবলৈ পোৱা নাযাব অশ্বিনক।
ভাৰত আৰু অষ্ট্ৰেলিয়াৰ মাজত দ্য গাব্বাত অনুষ্ঠিত হোৱা টেষ্ট মেচখনৰ পিছতে অশ্বিনে এই ঘোষণা কৰে। এই পৰ্যন্ত অশ্বিনৰ এক শক্তিশালী অভিলেখ। বলিঙৰ সমান্তৰালকৈ বেটিঙতো উৎকৃষ্টতা দেখুৱাইছে তেওঁ। টেষ্টৰ লগতে এদিনীয়া ক্ৰিকেটতো অশ্বিনে উৎকৃষ্ট প্ৰদৰ্শন দেখুৱাইছে। ব্রিজবেনত অনুষ্ঠিত তৃতীয়খন টেষ্টৰ পাছত সংবাদমেলত তেওঁ অৱসৰৰ কথা ঘোষণা কৰে৷
টীম ইণ্ডিয়া আৰু অষ্ট্ৰেলিয়াৰ মাজত অনুষ্ঠিত তৃতীয়খন টেষ্ট মেচ ড্ৰ’ত সমাপ্ত হয়। এই টেষ্ট মেচৰ অন্তত অশ্বিনে অৱসৰৰ কথা ঘোষণা কৰে। অশ্বিনৰ সৈতে সংবাদমেলত অধিনায়ক ৰোহিত শৰ্মাও উপস্থিত থাকে। অশ্বিনে টেষ্টত ৫৩৭টা উইকেট দখল কৰিছে। ইয়াৰ সমান্তৰালকৈ ৩৫০৩ ৰানও সংগ্ৰহ কৰিছে অশ্বিনে। এদিনীয়া আৰু টি-২০ত অশ্বিনে শক্তিশালী প্ৰদৰ্শন দেখুৱাইছে। কিন্তু এইগৰাকী ভাৰতীয় তাৰকা আৰু আন্তঃৰাষ্ট্ৰীয় ক্ৰিকেটত দেখা নাযাব।
অৱসৰ সন্দৰ্ভত সংবাদমেলত অশ্বিনে কয় যে, এগৰাকী ভাৰতীয় ক্ৰিকেটাৰ হিচাপে আন্তঃৰাষ্ট্ৰীয় পৰ্যায়ত এইটো তেওঁৰ শেষ দিন। সংবাদমেলৰ সময়ত অশ্বিনক দেখা গৈছিল আৱেগিক।
ইতিমধ্যে ভাৰতৰ হৈ অশ্বিনে ১০৬ খন টেষ্ট মেচ খেলিছে। এই সময়ছোৱাত তেওঁ ৩৫০৩ ৰান সংগ্ৰহ কৰে। টেষ্টত অশ্বিনে ৬টা শতক আৰু ১৪টা অৰ্ধশতক অৰ্জন কৰিছে। তেওঁৰ শ্ৰেষ্ঠ টেষ্ট স্ক’ৰ আছিল ১২৪ ৰান। তেওঁ ভাৰতৰ হৈ বহুবাৰ কঠিন পৰিস্থিতিত শক্তিশালী প্ৰদৰ্শন আগবঢ়াইছে। অশ্বিনে বেটিঙৰ লগতে বলিঙৰ ক্ষেত্ৰতো উৎকৃষ্টতা প্ৰদৰ্শন কৰে। এই সময়ছোৱাত তেওঁ ৫৩৭টা উইকেট দখল কৰে। অশ্বিনৰ সৰ্বোত্তম প্ৰদৰ্শন আছিল টেষ্ট ইনিংছত ৫৯ ৰানত ৭ উইকেট দখল কৰা।
ভাৰতৰ হৈ অশ্বিনে ১১৬খন এদিনীয়া খেল খেলিছে। ইয়াত ৭০৭ ৰান সংগ্ৰহ কৰা হৈছে। ইয়াৰ লগতে ১৫৬টা উইকেটো লোৱা হৈছে। ২৫ ৰানত ৪ উইকেট দখল কৰাটোৱেই হৈছে অশ্বিনৰ এদিনীয়া মেচত সৰ্বোত্তম প্ৰদৰ্শন। টীম ইণ্ডিয়াৰ স্পিনাৰ অশ্বিনে ভাৰতৰ হৈ ৬৫খন টি-২০ মেচ খেলিছে। এই সময়ছোৱাত ৭২টা উইকেট লোৱা হৈছে। এই ফৰ্মেটৰ ১৯ ইনিংছত ১৮৪ ৰান সংগ্ৰহ কৰিছে।
