হায় এই প্ৰচণ্ড গৰম। বিশ্বৰ বহু ৰাষ্ট্ৰ দহিছে উৎকট গৰমত। মানৱৰ পৰা জীৱ-জন্তুলৈ প্ৰচণ্ড গৰম সহিব নোৱাৰি মৃত্যুমুখতো পৰিছে। ইয়াৰ মাজতে আহিছে এটা খবৰ।
প্ৰচণ্ড গৰমত গলিবলৈ ধৰিছে আমেৰিকাৰ প্ৰাক্তন ৰাষ্ট্ৰপতি আব্ৰাহাম লিংকনৰ মূৰ্তি। আচলতে মমেৰে নিৰ্মিত মূৰ্তি গলিবলৈ ধৰাত হাহাকাৰ লাগিছে প্ৰশাসনৰ মাজত। বিবিচিৰ এক ৰিপৰ্ট অনুসৰি আমেৰিকাৰ ৰাজধানী ৱাশ্বিংটন ডিচিত স্থাপন কৰা মমৰ প্ৰতিমূৰ্তি গলিবলৈ ধৰিছে। ৱাশ্বিংটন ডিচিত আছে ৬ ফুট উচ্চতাৰ মমেৰে নিৰ্মিত প্ৰাক্তন ৰাষ্ট্ৰপতি আব্ৰাহাম লিংকনৰ প্ৰতিমূৰ্তি। ৱাশ্বিংটন ডিচিত এতিয়া ভয়ানক উষ্ণতা। যাৰ প্ৰভাৱ পৰিছে প্ৰাক্তন ৰাষ্ট্ৰপতিৰ মমেৰে নিৰ্মিত প্ৰতিমূৰ্তিত।
গলি গলি শেষ হৈ যাব নেকি লিংকন মেম’ৰিয়েল নামেৰে জনাজাত আব্ৰাহাম লিংকনৰ প্ৰতিমূৰ্তি। আমেৰিকাত পৰা প্ৰচণ্ড গৰমৰ বাবে মমৰ প্ৰতিমূৰ্তি গলিবলৈ আৰম্ভ কৰিছে। ইয়াৰ লগে লগে প্ৰতিমূৰ্তিৰ আকাৰ সলনি হৈ পৰিছে। প্ৰথম অৱস্থাত প্ৰতিমূৰ্তিটোৰ মূৰৰ অংশ গলিবলৈ ধৰাত বিকৃত হৈ পৰে প্ৰতিমূৰ্তিটো। সমগ্ৰ প্ৰতিমূৰ্তিটো গলিবলৈ ধৰাত বিকৃত আকাৰ হৈ পৰে। ইয়াৰ পিছতে প্ৰশাসনৰ লোকে পুনৰ মেৰামতিৰ কাম আৰম্ভ কৰে প্ৰতিমূৰ্তিটোৰ।
