এই ভীষণ গৰমত ঘৰৰ বাহিৰলৈ ওলাবলৈ টান। ভাবিলে ভয় লাগে ভয়ংকৰ গৰমত বাহিৰলৈ ওলাব। এনে সময়ত ট্ৰেফিক পুলিচ প্ৰচণ্ড ৰ’দত থিয় হৈ পালন কৰি আহিছে নিজৰ কৰ্তব্য। বতৰ যিয়েই নহওক কিয় ট্ৰেফিক পুলিচে সদায়ে দায়িত্ব পালন কৰি যায়। ট্ৰেফিক যাতে সূচাৰুৰূপে চলে তাৰ বাবে প্ৰচণ্ড গৰমতো তেওঁলোকে পালন কৰি আহিছে নিজৰ ডিউটি।
যদিহে ভয়ংকৰ গৰমৰ বাবে ট্ৰেফিক পুলিচে কৰ্তব্য এৰি জিৰণি লয় তেন্তে হয়তো সমগ্ৰ চহৰতে তীব্ৰ যান জঁটৰ সৃষ্টি হ’ব। এনে সময়তে উত্তৰ প্ৰদেশৰ মুখ্যমন্ত্ৰী যোগী আদিত্যনাথে ট্ৰেফিক পুলিচক কিছু সকাহ দিবলৈ আগবঢ়ালে এক বিশেষ পদক্ষেপ। ট্ৰেফিক পুলিচক যোগী আদিত্য নাথে প্ৰদান কৰিলে একোটাকৈ শীত-তাপ নিয়ন্ত্ৰিত হেলমেট। বৃহস্পতিবাৰে এক অনুষ্ঠানত বহু ট্ৰেফিক আৰক্ষীক প্ৰদান কৰে ACযুক্ত হেলমেট। এতিয়া মূৰত এ চি হেলমেট লগাই কিছু আৰামত ডিউটি কৰিব পাৰিব উত্তৰ প্ৰদেশৰ যান বাহন আৰক্ষীয়ে।
AC হেলমেটৰ কি কি বিশেষত্ব?
এই হেলমেট বিশেষ পদ্ধতিৰে ডিজাইন কৰা হৈছে। হেলমেট কুলিং চিষ্টেমৰ সহায়ত প্ৰচণ্ড হীট ৱেভৰ পৰা ৰক্ষা কৰিব ট্ৰেফিক আৰক্ষীক। এই হেলমেটৰ বাবে অনায়াসে নিজৰ দায়িত্ব সম্পাদন কৰিব পাৰিব যান বাহন আৰক্ষীয়ে। ট্ৰেফিক আৰক্ষীৰ যাৰ বাবে স্বাস্থ্যও ভালে থকাৰ লগতে কাৰ্যক্ষমতাও বৃদ্ধি পাব।
