এক আচৰিত ঘটনাৰ খবৰে তোলপাৰ লগাইছে বিশ্ব। ৰাষ্ট্ৰপতিৰ ওপৰত ক’লা যাদু কৰিছিল মন্ত্ৰীয়ে। আপোনাৰ বাবে হয়তো এইখবৰ আমোদজনক হ’ব।
মালদ্বীপৰ ৰাষ্ট্ৰপতিৰ ওপৰত ক’লা যাদু কৰা বুলি উঠিছিল অভিযোগ। তান্ত্ৰিকৰ দ্বাৰা মালদ্বীপৰ ৰাষ্ট্ৰপতি মহম্মদ মইজ্জুৰ ওপৰত ক’লা যাদু কৰাৰ অভিযোগ উঠিছিল এগৰাকী মহিলা মন্ত্ৰীৰ বিৰুদ্ধে। বিজ্ঞানৰ যুগত মালদ্বীত সংঘটিত হোৱা এই ঘটনাৰ তদন্তও আৰম্ভ হৈছিল। তদন্তৰ অন্ততঃ মন্ত্ৰীগৰাকীক গ্ৰেপ্তাৰ কৰিছে আৰক্ষীয়ে।
মালদ্বীপৰ পৰ্যটন মন্ত্ৰী ফাতিমা ছমনাজে ৰাষ্ট্ৰপতি মহম্মদ মইজ্জুৰ ওপৰত ক’লা যাদু কৰা বুলি অভিযোগ উত্থাপিত হৈছিল। এই অভিযোগ উঠাৰ পিছতে মালদ্বীপ প্ৰশাসনে গ্ৰেপ্তাৰ কৰিছে পৰ্যটন মন্ত্ৰী ফাতিমাক। পৰ্যটন মন্ত্ৰীগৰাকীৰ সৈতে আন চাৰিজনকো কৰা হৈছে গ্ৰেপ্তাৰ। সমগ্ৰ মালদ্বীপত এতিয়া এটাই চৰ্চা, মুখে মুখে কেৱল এটাই শব্দ ক’লা যাদু। এই সমস্ত খবৰ প্ৰকাশ পাইছিল ২৩ জুনত। বুধবাৰে পৰ্যটন মন্ত্ৰী ফাতিমা ছমনাজক পৰ্যটন বিভাগৰ মন্ত্ৰিত্বৰ পৰা নিলম্বিত কৰা হয়।
অভিযোগ মতে মন্ত্ৰী ফাতিমাই স্বামীৰ সৈতে মিলি মালদ্বীপৰ ৰাষ্ট্ৰপতিৰ ওপৰত ক’লা যাদু কৰিছিল। ইয়াৰ পিছতে মালদ্বীপৰ ৰাষ্ট্ৰপতিৰ নিৰ্দেশত গ্ৰেপ্তাৰ কৰা হয় পত্নী আৰু স্বামীক।
