মনু ভাকৰে বিগত বৰ্ষৰ পেৰিছ অলিম্পিকত সঠিক শ্বুটিঙেৰে সমগ্ৰ দেশকে গৌৰবান্বিত কৰিছিল। ভাৰতৰ এই ষ্টাৰ শ্বুটাগৰাকীয়ে পেৰিছ অলিম্পিকত দুটাকৈ পদক লাভ কৰি ইতিহাস ৰচিছিল।
কিন্তু এতিয়া এইগৰাকী দক্ষ শ্বুটাৰৰ দুয়োটা পদক ঘূৰাই লোৱা হ’ব। কিন্তু এয়া মনু ভাকৰৰ বাবে অতি সুখৰ বিষয়। আচলতে এইগৰাকীৰ ভাৰতীয় শ্বুটাৰৰ দুয়োটা ব্ৰঞ্জৰ পদকৰ অৱস্থা অতি শোচনীয়। এতিয়া এই পদকসমূহ নিৰ্মাণ কৰা ফৰাচী কোম্পানী মনাকো ডি পেৰিছে মনুক নতুন ব্ৰেণ্ডেড পদক দিব।
সংবাদ মাধ্যমৰ খবৰ অনুসৰি, পেৰিছ অলিম্পিকত পদক লাভ কৰাৰ মাত্ৰ কেইদিনমান পিছতে মনু ভাকৰৰ পদকসমূহৰ ৰং আঁতৰি গৈছে।
অৱশ্যে কেৱল মনু ভাকেৰেই নহয়, পেৰিছ অলিম্পিকত পদক লাভ কৰা বিশ্বৰ বহু খেলুৱৈয়ে এই অভিযোগ কৰিছিল। খেলুৱৈসকলে পেৰিছ অলিম্পিকৰ পদকসমূহৰ নিম্নমানৰ ছবি ছ’চিয়েল মিডিয়াত পোষ্ট কৰিছিল। এই অভিযোগৰ পিছত আন্তঃৰাষ্ট্ৰীয় অলিম্পিক কমিটীয়ে কয় যে, ক্ষতিগ্ৰস্ত অলিম্পিক পদকসমূহ পুনৰ মনাকো ডি পেৰিছে মেৰামতি কৰিব আৰু সেইবোৰ একেবাৰে নতুন অৱস্থাত খেলুৱৈসকলক ঘূৰাই দিয়া হ’ব। পেৰিছ অলিম্পিক আয়োজক সমিতিয়ে এই পদকসমূহ মনাই ডি পেৰিছক নিৰ্মাণৰ ঠিকা দিছিল। ই হৈছে এটা চৰকাৰী কোম্পানী যিয়ে ফ্ৰান্সৰ বাবে মুদ্ৰা আৰু অন্যান্য মুদ্ৰাও উৎপাদন কৰে।
এক প্ৰতিবেদন অনুসৰি, আগন্তুক সপ্তাহত খেলুৱৈসকলৰ ক্ষতিগ্ৰস্ত সকলো পদক কোম্পানীয়ে সলনি কৰিব। ফ্ৰান্সৰ কোম্পানী মনাকো ডি পেৰিছে প্ৰতিটো পদকত আইফেল টাৱাৰৰ লোহাৰ টুকুৰা ব্যৱহাৰ কৰিছিল। এই কোম্পানীয়ে অলিম্পিক গেমছৰ বাবে ৫,০৮৪ টা সোণ, ৰূপ আৰু ব্ৰঞ্জৰ পদক নিৰ্মানৰ দ্বায়িত্ব লাভ কৰে।
উল্লেখ্য যে, মনু ভাকৰে প্ৰথমে মহিলাৰ ১০ মিটাৰ এয়াৰ পিষ্টল ইভেণ্টত ব্ৰঞ্জৰ পদক লাভ কৰে, ইয়াৰ জৰিয়তে তেওঁ যিকোনো অলিম্পিকত পদক লাভ কৰা প্ৰথমগৰাকী ভাৰতীয় মহিলা শ্বুটাৰ হিচাপে পৰিগণিত হয়। ইয়াৰ পিছত মনুৱে মিক্সড ১০ মিটাৰ এয়াৰ পিষ্টল টিম ইভেণ্টত আন এটা ব্ৰঞ্জৰ পদক লাভ কৰে। দেশৰ স্বাধীনতাৰ পাছত এখন অলিম্পিকত দুটাকৈ পদক অৰ্জন কৰা প্ৰথমগৰাকী ভাৰতীয় হিচাপে পৰিগণিত হয়।
