ৰাজ্যত সংঘটিত হৈছে এটাৰ পিছত আনটো ভয়ংকৰ কাণ্ড। এইবাৰ, গোলকগঞ্জত সংঘটিত হৈছে মানৱ সমাজক লজ্জানত কৰা দুটাকৈ জঘন্য কাণ্ড।
গোহালীত টানি লৈ হাত ভৰি বান্ধি এগৰাকী বিশেষভাৱে সক্ষম মানসিক বিকাৰগ্ৰস্ত যুৱতীৰ সৈতে অপকৰ্ম সংঘটিত কৰে ফিৰদৌচ আলী নামৰ এটা নৰ পিশাচে।
উল্লেখ্য যে, চলিত মাহৰ ১২ তাখিত সংঘটিত হয় এই জঘণ্য কাণ্ড। খবৰ অনুসৰি, গোলকগঞ্জ থানাৰ অন্তৰ্গত উচিতা গাৱঁৰ এগৰাকী বিশেষ ভাৱে সক্ষম মানসিক বিকাৰগ্ৰস্ত যুৱতীক ঘৰত অকলে পাই একে গাৱঁৰে আব্দুল খালেকৰ পুত্ৰ ফিৰদৌচ আলীয়ে প্ৰথমে গোহালীলৈ চোঁচৰাই লৈ যায়।
তাৰপিছত হাত ভৰি বান্ধি অপকৰ্ম সংঘটিত কৰি পলায়ন কৰে। যুৱতী গৰাকীয়ে এই সমগ্ৰ ঘটনা আকাৰে ইংগিতে ওচৰৰে এগৰাকী মহিলাক জনায়। পিছত মহিলা গৰাকীয়ে যুৱতী গৰাকীৰ পিতৃ-মাতৃক খৱৰ দিয়ে। পিতৃ-মাতৃ ঘৰত উপস্থিত হৈ বিশেষ ভাৱে সক্ষম মানসিক বিকাৰগ্ৰস্ত যুৱতী গৰাকীক গোলকগঞ্জ থানালৈ লৈ যায়।
ইতিমধ্যে গোলকগঞ্জ আৰক্ষীয়ে যুৱতী গৰাকীক স্বাস্থ্য পৰীক্ষা কৰাই নৰ পিশাচ ফিৰদৌচ আলীৰ বিৰুদ্ধে গোচৰ ৰুজু কৰে। এই গোচৰৰ ভিত্তিতে গোলকগঞ্জ আৰক্ষীয়ে ইতিমধ্যে ফিৰদৌচ আলীক আটক কৰিবলৈ সক্ষম হয়।
ইফালে, আন এটি ভয়ংকৰ কাণ্ড সংঘটিত হয় গোলকগঞ্জৰ আগমনিত। ভামডাঙা দ্বিতীয় খণ্ড গাঁৱৰ দিলীপ ৰায়ৰ পুত্ৰ ৰাণা ৰায়ে সংঘটিত কৰে এক ভয়ংকৰ কাণ্ড। ১২ জানুৱাৰীত দিনদুপৰতে ৰাণাই এগৰাকী এঘাৰ বছৰীয়া নাবালিকাৰ সৈতে অপকৰ্ম সংঘটিত কৰে। খবৰ অনুসৰি, নাবালিকা গৰাকী নিজৰ মোমায়েকৰ ঘৰলৈ গৈছিল। তাতেই মোমায়েকৰ ঘৰৰ কাষৰ যুৱক এজনৰ কামনাৰ বলি হয় এই নাবালিকাগৰাকী। বৰ্তমানেও এই নাবালিকাগৰাকী ধুবুৰী চিকিৎসা মহাবিদ্যালয়ত চিকিৎসাধীন হৈ আছে। ইফালে পৰিয়ালৰ লোকৰ এজাহাৰৰ ভিত্তিত নিশা আগমনি থানাৰ আৰক্ষীয়ে আটক কৰে যুৱক এই জনক।
