কলম্বিয়াৰ ৰাষ্ট্ৰপতি গুস্তাভো পেট্ৰ’ই সোমবাৰে দেশখনৰ উত্তৰ-পূবত গেৰিলা আক্ৰমণৰ পিছত জৰুৰীকালীন অৱস্থা ঘোষণা কৰিব ঘোষণা কৰে।
এই আক্ৰমণত কেইবাজনো লোক নিহত হোৱাৰ লগতে সহস্ৰাধিক লোকে ঘৰৰ পৰা ওলাই যাবলৈ বাধ্য হয়।ৰাষ্ট্ৰপতি পেট্ৰ’ই সকীয়াই দিছিল যে তেওঁৰ দেশৰ সেনাই ৰাষ্ট্ৰীয় মুক্তি সেনাৰ বিৰুদ্ধে আগ্ৰাসী ব্যৱস্থা গ্ৰহণ কৰিব।
সংবাদ মাধ্যমত দিয়া এটা পোষ্টত পেট্ৰ’ই কয় যে, তেওঁ জৰুৰীকালীন অৱস্থা ঘোষণা কৰিব, যাৰ ফলত কাৰ্যবাহী শাখাই তিনি মাহৰ বাবে কংগ্ৰেছৰ অনুমোদন অবিহনে কিছুমান বিশেষ ধৰণৰ আইন গৃহীত কৰিব পাৰিব। অৱশ্যে এই ব্যৱস্থা কাৰ্যকৰী হোৱাটো নিশ্চিত নহয়, কিয়নো কলম্বিয়াৰ সাংবিধানিক আদালতে ইয়াক বাতিল কৰিব পাৰে।
২০০০ চনৰ আৰম্ভণিতে তেতিয়াৰ ৰাষ্ট্ৰপতি আলভাৰো উৰিবেৰ প্ৰশাসনে আভ্যন্তৰীণ অশান্তিৰ আদেশ ব্যৱহাৰ কৰি সামৰিক বাহিনীৰ বাবে ধন সংগ্ৰহ কৰে। কলম্বিয়াৰ সংবিধান অনুসৰি, এই জৰুৰী ব্যৱস্থাৰ সহায়ত কংগ্ৰেছ নিলম্বন বা নাগৰিক অধিকাৰ বিলুপ্ত কৰিব নোৱাৰি। ন্যায়িক ব্যৱস্থাই সহায় কৰিব বুলি তেওঁ আশাবাদী।
ইয়াৰ পূৰ্বে সোমবাৰে পেট্ৰ’ই সকীয়াই দিয়ে যে, তেওঁৰ দেশৰ সেনাই ৰাষ্ট্ৰীয় মুক্তি সেনাৰ বিৰুদ্ধে আক্ৰমণাত্মক ব্যৱস্থা গ্ৰহণ কৰিব। কাৰণ ই এল এন নামেৰে পৰিচিত বিদ্ৰোহীসকলে কলম্বিয়াৰ কাটাটুম্বো অঞ্চলত আক্ৰমণৰ ঢৌ আৰম্ভ কৰিছিল, য’ত কমেও ৮০ জন লোকে প্ৰাণ হেৰুৱাইছে।
কলম্বিয়াৰ উত্তৰ-পূব অঞ্চলত বিদ্ৰোহী সংগঠন নেশ্যনেল লিবাৰেশ্যন আৰ্মিৰ সৈতে শান্তি আলোচনাৰ চেষ্টা ব্যৰ্থ হোৱাৰ পিছতে ৮০ জনতকৈও অধিক লোকৰ প্ৰাণহানি হয়। এই আক্ৰমণত প্ৰাণ হেৰুওৱা অধিকাংশ লোকেই আছিল নৰ্থ ছান্টাণ্ডাৰত। অঞ্চলটোৰ গৱৰ্ণৰ উইলিয়াম ভিলামিজাৰৰ মতে, আন ২০ জন আহত হয়। চৰকাৰী বাতৰি অনুসৰি, ক্ষতিগ্ৰস্তসকলৰ ভিতৰত আছে সম্প্ৰদায়ৰ নেতা কাৰ্মেলো গুয়েৰেৰো আৰু শান্তি চুক্তিত স্বাক্ষৰ কৰিব বিচৰা সাতজন লোক।
