আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ বন্ধুত্ব পুনৰ চৰ্চালৈ আহিছে। ট্ৰাম্পৰ দ্বিতীয় কাৰ্যকালত হোৱাইট হাউছ ভ্ৰমণ কৰা প্ৰথমজন বিদেশী নেতা হ’ব বেঞ্জামিন নেতানিয়াহু। খবৰ অনুসৰি, ড’নাল্ড ট্ৰাম্পে ৪ ফেব্ৰুৱাৰীত বেঞ্জামিন নেতানিয়াহুক হোৱাইট হাউছলৈ আমন্ত্ৰণ জনাইছে। এই খবৰ হোয়াইট হাউছ আৰু নেতানিয়াহুৰ কাৰ্যালয়ে নিশ্চিত কৰিছে।
এই ভ্ৰমণৰ সময় অতি বিশেষ, কাৰণ গাজাত ১৫ মাহৰ বিধ্বংসী যুদ্ধৰ পিছত দ্বিতীয় পৰ্যায়ৰ যুদ্ধবিৰতি আলোচনা আৰম্ভ হ’ব। ড’নাল্ড ট্ৰাম্পে শপত গ্ৰহণ কৰাৰ পিছৰে পৰা এই যুদ্ধবিৰতিৰ কৃতিত্ব লৈ আহিছে। একে সময়তে ইজৰাইলৰ সোঁপন্থী নেতাসকলে নেতানিয়াহু চৰকাৰক স্থায়ী যুদ্ধবিৰতি নকৰিবলৈ হেঁচা প্ৰয়োগ কৰিছে। স্পষ্টভাৱে ট্ৰাম্প আৰু নেতানিয়াহুৰ এই বৈঠকে দ্বিতীয় ৰাউণ্ডৰ যুদ্ধবিৰতি আলোচনাত প্ৰভাৱ পেলাব।
হোয়াইট হাউছৰ পৰা জাৰি কৰা এক বিবৃতিত কোৱা হৈছে যে, ইজৰাইল আৰু ইয়াৰ চুবুৰীয়া দেশসমূহৰ বাবে শান্তি স্থাপন আৰু আমাৰ সাধাৰণ বিৰোধীৰ সৈতে মোকাবিলা কৰাৰ বাবে আমি কি পদক্ষেপ ল’ব পাৰো সেই বিষয়ে আলোচনা কৰিবলৈ ট্ৰাম্প আগ্ৰহী। ট্ৰাম্পৰ সৈতে এই বৈঠক ইজৰাইলৰ প্ৰধানমন্ত্ৰীৰ বাবে এক সুযোগ হ’ব, কিয়নো তেওঁ ইজৰাইলৰ ৰাজনীতিত হেঁচা প্ৰয়োগ কৰিবলৈ সক্ষম হৈছে। আমেৰিকাৰ পৰা বিপুল সমৰ্থন লাভ কৰি তেওঁ নিজ দেশত প্ৰমাণ কৰিব বিচাৰিছে যে, তেওঁৰ ট্ৰাম্পৰ সৈতে সু-সম্পৰ্ক আছে আৰু যাৰ বাবে ইজৰাইলে ট্ৰাম্পৰ অধিক সহায় লাভ কৰিব।
ইজৰাইল হৈছে আমেৰিকাৰ সাহায্যৰ সৰ্বাধিক লাভ কৰা দেশ। আমেৰিকাই ইজৰাইলক অস্ত্ৰ আৰু ধনৰ লগতে আন্তঃৰাষ্ট্ৰীয় মঞ্চতো সম্পূৰ্ণৰূপে সমৰ্থন কৰে। আশা কৰা হৈছে যে, নেতানিয়াহুৰ এই ভ্ৰমণৰ জৰিয়তে তেওঁ ইজৰাইললৈ অধিক সাহায্যৰ বাবে ট্ৰাম্পৰ ওচৰত আবেদন কৰিব পাৰিব।
হামাছে আৰম্ভণিৰে পৰাই গাজাৰ পৰা ইজৰাইল আলোচনাৰ সময়ত স্থায়ী যুদ্ধবিৰতিৰ চৰ্ত ৰাখিছে। দ্বিতীয় পৰ্যায়ৰ যুদ্ধবিৰতিত যদি হামাছে নিজৰ চৰ্ত পূৰণ কৰিবলৈ অস্বীকাৰ কৰে, তেন্তে পুনৰ যুদ্ধ আৰম্ভ কৰিব বুলি সকীয়াই দিছে নেতানিয়াহুৱে
