অৱশেষত সলনি হ’ল বিভিন্ন জিলাৰ অভিভাৱক মন্ত্ৰী। আজি অৰ্থাত শনিবাৰে ৰাজ্য চৰকাৰে এখন জাননীৰ জৰিয়তে নতুন অভিভাৱক মন্ত্ৰীৰ তালিকা প্ৰকাশ কৰা হৈছে।
নতুন তালিকা অনুসৰি, ৰণজিৎ কুমাৰ দাসক ধুবুৰী আৰু বঙাইগাঁৱৰ দায়িত্ব দিয়া হৈছে। সেইদৰে মন্ত্রী অতুল বৰাক কামৰূপ মহানগৰ আৰু নলবাৰীৰ দায়িত্ব দিয়া হৈছে। মন্ত্রী অশোক সিংহলক গোৱালপাৰা আৰু বিশ্বনাথৰ দায়িত্ব দিয়া হৈছে।
দৰং, দক্ষিণ শালমাৰা আৰু হোজাইৰ দায়িত্ব দিয়া হৈছে মন্ত্ৰী কেশৱ মহন্তক। মন্ত্রী অজন্তা নেওগক যোৰহাট দায়িত্ব দিয়া হৈছে । বৰপেটা আৰু কামৰূপৰ দায়িত্ব দিয়া হৈছে মন্ত্রী চন্দ্ৰমোহন পাটোৱাৰীক।
আনহাতে মন্ত্রী ডাঃ ৰণোজ পেগুক শিৱসাগৰ, লখিমপুৰৰ দায়িত্ব দিয়া হৈছে। মন্ত্রী পীযুষ হাজৰীকাক শোণিতপুৰ আৰু ওদালগুৰিৰ দায়িত্ব দিয়া হৈছে।
মন্ত্রী যোগেন মহনক দিয়া হৈছে ডিব্ৰুগড় আৰু মাজুলীৰ দায়িত্ব। তিনিচুকীয়া আৰু চৰাইদেউৰ দায়িত্ব দিয়া হৈছে মন্ত্ৰী বিমল বৰাক। সেইদৰে কাছাৰ, বাক্সা আৰু তামুলপুৰৰ দায়িত্ব দিয়া হৈছে মন্ত্রী জয়ন্ত মল্লবৰুৱাক।
মন্ত্রী নন্দিতা গার্লোছাক পশ্চিম কাৰ্বি আংলং আৰু কাৰ্বি আংলং জিলাৰ দায়িত্ব দিয়া হৈছে। ইফালে নতুনকৈ হিমন্ত মন্ত্ৰী সভাত স্থান লাভ কৰা প্ৰশান্ত ফুকনক ধেমাজী আৰু বজালী জিলাৰ দিয়াত্ব দিয়া হৈছে। কৌশিক ৰায়ক শ্ৰীভূমি আৰু মৰিগাঁৱৰ দায়িত্ব দিয়া হৈছে।
আনহতে হাইলাকান্দি আৰু নগাঁৱৰ দায়িত্ব প্ৰদান কৰা হৈছে কৃষ্ণেন্দু পালক। গোলাঘাট আৰু ডামা হাছাওৰ দায়িত্ব প্ৰদান কৰা হৈছে ৰূপেশ গোৱালাক।
উল্লেখ্য যে, ইয়াৰ পূৰ্বে বিগত বৰ্ষৰ ছেপ্টেম্বৰ মাহত সলনি কৰা হৈছিল বিভিন্ন জিলাৰ অভিভাৱক মন্ত্ৰী।
