ভয়ংকৰ ৰে’ল দুৰ্ঘটনাই কঁপাই গৈছে দেশ। কাঞ্চনজংঘা এক্সপ্ৰেছক পিছফালৰ পৰা প্ৰচণ্ডজোৰে খুন্দা মাৰিলে মালবাহী এখন ৰে’লে।
পশ্চিমবংগৰ নিউ জলপাইগুৰিত সংঘটিত হৈছে এই ভয়ংকৰ ৰে’ল দুৰ্ঘটনা। এখন মালবাহী ৰে’লে শিয়ালদহলৈ যাবলগীয়া কাঞ্চনজংঘা এক্সপ্ৰেছত প্ৰচণ্ডজোৰে খুন্দা মাৰে। যাৰ ফলত ৫জনকৈ লোক নিহত হোৱাৰ লগতে বহু যাত্ৰী গুৰুত্বৰভাবে আহত হৈছে। প্ৰচণ্ড খুন্দাৰ ফলত কাঞ্চনজংঘা এক্সপ্ৰেছৰ কেইবাটাও দবা ৰে’লৰ ছিৰিৰ পৰা বাগৰি পৰে। এইপৰ্যন্ত এই দুৰ্ঘটনাত নিহত হৈছে ৫জনকৈ লোক। ২৫জনতকৈও অধিক লোক আহত। আজি পুৱাৰ ভাগত সংঘটিত হৈছে এই ভয়ংকৰ দুৰ্ঘটনা। ১৩১৭৪ নম্বৰৰ কাঞ্চনজংঘা এক্সপ্ৰেছখন আগৰতলাৰ পৰা গৈ আছিল শিয়ালদহলৈ। প্ৰশাসনৰ লোকে গেছ কাটাৰেৰে দবা কাটি উদ্ধাৰ কৰিছে যাত্ৰীসকলক। এই ভয়ংকৰ ঘটনাৰ পিছতে প্ৰশাসনে জাৰি কৰিছে কেইটাও হেল্পলাইন নম্বৰ। হেল্পলাইন নম্বৰকেইটা হৈছে 03323508794, 033-23833326.
