আজি কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰালয়ে ঘোষণা কৰিলে ৰাষ্ট্ৰীয় ক্ৰীড়া বঁটা ২০২৪। দেশৰ ক্ৰীড়াক্ষেত্ৰৰ সৰ্ব্বোচ্চ সন্মান মেজৰ ধ্যানচান্দ খেলৰত্ন বঁটা এইবাৰ আগবঢ়োৱা হৈছে বিশ্ব চেম্পিয়ন গ্ৰেণ্ডমাষ্টাৰ ডি গুকেশ, ভাৰতীয় পুৰুষ হকী দলৰ অধিনায়ক হৰমনপ্ৰীত সিং, পেৰালিম্পিকৰ স্বৰ্ণ পদক বিজেতা প্ৰবীন কুমাৰ আৰু পেৰিছ অলিম্পিকত দুটাকৈ পদক অৰ্জনেৰে ইতিহাস ৰচা শ্বুটাৰ মনু ভাকেৰক।
অহা বৰ্ষৰ ১৭ জানুৱাৰীত ৰাষ্ট্ৰপতি ভৱনত বঁটাপ্ৰাপকসকলে ভাৰতৰ ৰাষ্ট্ৰপতিৰ পৰা বঁটা গ্ৰহণ কৰিব।
খেলৰত্ন বঁটাৰ লগতে আন আন শাখাৰ বঁটা বিজয়ী সকলৰ নামো আজি ঘোষণা কৰা হয়। সমিতিৰ পৰামৰ্শৰ ভিত্তিত আৰু যথাযথ নিৰীক্ষণৰ অন্তত চৰকাৰে অৰ্জুন বঁটাৰ বাবে সৰ্বমুঠ ৩২ গৰাকী এথলীটক বাচনি কৰে। এই তালিকাত আছে ১৭ গৰাকী পেৰা এথলীট। অৱশ্যে এইবাৰ কোনো ক্ৰিকেটাৰে কোনো ধৰণৰ বঁটা লাভ কৰা নাই।
ক্ৰীড়া বঁটাৰ বাবে মনোনীত কৰাসকলৰ নাম তলত সম্পূৰ্ণকৈ উল্লেখ কৰা হ’ল:
খেল ৰত্ন-
ডি গুকেশ (দবা), হৰমনপ্ৰীত সিং (হকী), প্ৰবীন কুমাৰ (পেৰা এথলীট), মনু ভাকৰ (শ্বুটিং)
অৰ্জুন বঁটা
জ্যোতি য়াৰাজি, অন্নু ৰাণী, নিতু ঘংঘাছ, চুইটি, বন্তিকা আগৰৱাল, ছলিমা টেটে, অভিষেক, সঞ্জয়, জৰমনপ্ৰীত সিং, সুখজীত সিং, ৰাকেশ কুমাৰ, প্ৰীতি পল, জীৱঞ্জী দীপ্তি, অজিত সিং, শচীন খিলাড়ী, ধৰ্মবীৰ, প্ৰণৱ সুৰমা, হোকাটো হোতেঝে ছেমা, সিমৰণ, নৱদীপ, নিতেশ কুমাৰ, থুলছিমতি মুৰুগেছন, নিত্য শ্ৰী সুমনি ছিৱান, মনীষা ৰামদাস, কপিল পৰমাৰ, মোনা আগৰৱাল, স্বপ্নিল সুৰেশ কুছলে, সৰৱজোত সিং, অভয় সিং, ছাজন প্ৰকাশ আৰু অমন।
