অত্যধিক সুৰা পান : অত্যাধিক সুৰা পানে আপোনাৰ শৰীৰত কম বয়সতে বয়সৰ চাপ পেলাব পাৰে। ই ছালক ডিহাইড্ৰেট কৰে, প্ৰদাহ সৃষ্টি কৰে আৰু কোলাজেন উৎপাদন হ্ৰাস কৰে। এই কাৰকবোৰৰ ফলত ছাল নিস্তেজ হোৱাৰ লগতে শোতোৰা পৰিব পাৰে বা অসমান হ’ব পাৰে।
টোপনিৰ অভাৱ : টোপনিৰ অভাৱে শৰীৰৰ প্ৰাকৃতিক বিকাশ প্ৰক্ৰিয়া ব্যাহত কৰে। ইয়াৰ ফলত ষ্ট্ৰেছ হৰমনৰ স্তৰ বৃদ্ধি হয় আৰু ছালে স্থিতিস্থাপকতা হেৰুৱায়। ইয়াৰ উপৰিও ই শৰীৰত থকা বিষাক্ত দ্ৰৱৰ সৈতে যুঁজ দিয়াৰ ক্ষমতা দুৰ্বল কৰে।
ডিহাইড্ৰেচন : ডিহাইড্ৰেচনে জৈৱিক বয়সৰ চাপৰ লগতে দীৰ্ঘম্যাদী ৰোগৰ আশংকাও বৃদ্ধি কৰে। স্বাস্থ্যৱান শৰীৰ অক্ষুণ্ণ ৰাখিবলৈ দৈনিক কমেও ৭-৮ গিলাচ পানী খোৱাৰ পৰামৰ্শ দিয়া হয়।
অনিয়মীয়া ব্যায়াম : নিয়মীত ব্যায়ামে শৰীৰত ৰক্ত সঞ্চালন উন্নত কৰে। যাৰ ফলত ছালৰ উজ্জ্বলতা বৃদ্ধি হয়। ইয়াৰ বিপৰীতে ব্যায়ামৰ নকৰিলে মেদবহুলতা, মধুমেহ আৰু হৃদযন্ত্ৰৰ ৰোগৰ দৰে কেইবাটাও স্বাস্থ্যজনিত সমস্যা হ’ব পাৰে।
ধূমপান : আমাৰ শৰীৰৰ অংগবোৰত ধূমপান যথেষ্ট প্ৰভাৱ পেলায়। অৱশ্যে ইয়াৰ প্ৰভাৱবোৰ বাৰ্ধক্য প্ৰক্ৰিয়ালৈকে প্ৰসাৰিত হয় আৰু লগতে ই শৰীৰত প্ৰদাহৰ স্তৰ বৃদ্ধি কৰে। এই প্ৰদাহে কোলাজেন আৰু ইলাষ্টিন প্ৰ’টিনৰ ক্ষতি কৰে।
মানসিক চাপ : মানসিক চাপ হৈছে বাৰ্ধক্যৰ বাবে এটা স্পিডৱে। চাপৰ ফলত প্ৰদাহ সৃষ্টি হয় আৰু ই ছাল নিস্তেজ কৰে তথা ছালৰ কোষবোৰ অকালতে বয়স বঢ়ায়। সেয়েহে ধ্যান কিম্বা যোগ বা সেই যৌৱনৰ উজ্জ্বলতা আৰু জীৱনীশক্তি অক্ষুণ্ণ ৰাখিবলৈ খোজ কঢ়াৰ অভ্যাস গঢ়ি তোলক।
অস্বাস্থ্যকৰ খাদ্যাভ্যাস : অস্বাস্থ্যকৰ খাদ্যাভ্যাসে শৰীৰক অত্যাৱশ্যকীয় পুষ্টিৰ পৰা বঞ্চিত কৰি বয়সৰ চাপ দ্ৰুতগতিত কৰিব পাৰে। দুৰ্বল পুষ্টিয়ে ছালৰ বয়স বৃদ্ধি কৰে আৰু যাৰ ফলত ছাল নিস্তেজ হয় আৰু শোতোৰা পৰাৰ লগতে স্থিতিস্থাপকতা হ্ৰাস পায়।
