আমেৰিকাৰ এটা মাত্ৰ সংকেতৰ অপেক্ষা কৰিছে ইজৰাইলে। আমেৰিকাৰ সংকেত পোৱাৰ লগে লগে হামাচৰ দৰেই হিজবুল্লাৰ দুৰৱস্থা কৰাৰ সংকল্প লৈছে ইজৰাইলে। ইজৰাইলে মঙলবাৰে নিশা লেবাননৰ সীমাৰ পৰা ২৫ কিলোমিটাৰ ভিতৰত প্ৰৱেশ কৰি আক্ৰমণ সংঘটিত কৰিছিল। এই ষ্ট্ৰাইকত হিজবুল্লাৰ কামাণ্ডাৰ তালিব আৰু চাৰিজন অন্য যুঁজাৰু নিহত হয়।
এই আক্ৰমণৰ পিছতে হিজবুল্লাই লেবানন সীমান্তৰ পৰা ধাৰাসাৰ নিক্ষেপ কৰে ৰকেট। এই ভয়ংকৰ আক্ৰমণ-প্ৰত্যাক্ৰমৰ পিছতে হিজবুল্লাৰ বিৰুদ্ধে ভয়ানক অপাৰেশ্যন চলাবলৈ সাজু হৈছে ইজৰাইল। হামাচৰ বিৰুদ্ধে যুঁজিবলৈ পাৰ্যমানে ইজৰাইলক সহায় কৰি আহিছে আমেৰিকাই। হামাচৰ পিছত এতিয়া হিজবুল্লাক নিশেষ কৰাৰ বাবে ইজৰাইে সহায় বিচাৰিছে আমেৰিকাৰ পৰা। অহা সপ্তাহসত ইজৰাইলৰ পৰা এটা প্ৰতিনিধিৰ দল ৰাওনা হ’ব আমেৰিকালৈ। এই দলটোত থাকিব ইজৰাইলৰ সুৰক্ষা উপদেষ্টা। ইজৰাইলী সেনাই পৰৱৰ্তী সময়ত কি যুদ্ধ আঁচনি তৈয়াৰ কৰিব সেই বিষয়ে আমেৰিকাৰ সৈতে গুৰুত্বপূৰ্ণ চৰ্চা কৰিব।
হিজবুল্লাৰ বিৰুদ্ধে অপাৰেশ্যন চলাবলৈ ইজৰাইলক প্ৰয়োজন হ’ব আমেৰিকাৰ অনুমতি। আমেৰিকাৰ মঞ্জুৰী অবিহনে ইজৰাইে হিজবুল্লাৰ ওপৰত আক্ৰমণ কৰাৰ পৰা দূৰৈত থাকিব। যদিহে আমেৰিকাই ইজৰাইলক অনুমতি দিয়ে, তেন্তে হিজবুল্লাক আক্ৰমণ কৰাৰ বাবে যোজনা তৈয়াৰ কৰিব ইজৰাইলী সেনাই।
ইজৰাইলে হিজবুল্লাক আক্ৰমণ কৰিবলৈ অত্যাধুনিক মাৰণাস্ত্ৰৰ বাবে আবেদন জনাব আমেৰিকাক। এতিয়া লক্ষণীয় বিষয়টো হ’ব আমেৰিকাই হিজবুল্লাক আক্ৰমণ কৰাৰ বাবে ইজৰাইক অনুমতি দিয়ে নে নিদিয়ে।
