এফালে চীন আৰু ভাৰতৰ সীমান্তত সেনাৰ মাজত বৃদ্ধি হৈছে উত্তেজনা আৰু ঠায়ে ঠায়ে ইয়াৰ আগ্ৰাসন, আকৌ আনফালে তেনে পৰিস্থিতিৰ মাজতো ২০২৪ত আমেৰিকাক অতিক্ৰম কৰি চীন হৈ উঠিছে ভাৰতৰ সৰ্ববৃহৎ বাণিজ্যিক অংশীদাৰ।
নোমুৰা গৱেষণা প্ৰতিষ্ঠান কেন্দ্ৰই এক প্ৰতিবেদনত কৈছে যে, বিশ্বৰ আগশাৰীৰ প্ৰতিষ্ঠানবোৰে গোলকীয় যোগান শৃংখলাৰ বাবে সন্ধান কৰিছে চীনৰ বিকল্প। যিটো ভাৰতৰ বাবে এক বৃহৎ লাভালাভ যেন পৰিলক্ষিত হৈছে। বিশ্বব্যাপী যোগান শৃংখলাৰ পৰিবৰ্তনে এছিয়াৰ বহুতো দেশৰ বিকাশৰ এক সোণালী সুযোগ লৈ আনিছে।
নোমুৰাৰ এছিয়ান অৰ্থনীতিবিদ সোনল বাৰ্মা, অৰোদীপ নন্দীকে ধৰি ভাৰতৰ গৱেষণা দলৰ চেলুন মুখাৰ্জীয়ে এছিয়া নিউ ফ্লাইং গিজ নামৰ এক প্ৰতিবেদন প্ৰস্তুত কৰিছে। এই প্ৰতিবেদনত, সেই খণ্ডবোৰ চিনাক্ত কৰা হৈছে য’ত ভাৰতৰ বাবে আটাইতকৈ বেছি সুযোগ সৃষ্টি হ’ব। ইয়াৰ ভিতৰত আছে ইলেক্ট্ৰলিকছ, অটোমোবাইল, মূলধনী সামগ্ৰী, শক্তি আৰু ফাৰ্মাচিউটিকেল।
নোমুৰাৰ মতে, ভাৰতৰ ৰপ্তানি বাৰ্ষিক ১০ শতাংশ হাৰত বৃদ্ধি হৈ ২০২৩ চনৰ ৪৩১ বিলিয়ন ডলাৰৰ পৰা ২০৩০ চনলৈ ৮৩৫ বিলিয়ন ডলাৰত উপনীত হব। নোমুৰা প্ৰতিবেদন অনুসৰি, ভাৰতে প্ৰয়োজনীয় পৰিস্থিতিতন্ত্ৰ প্ৰস্তুত কৰি ইয়াৰ শীতল উৎপাদন খণ্ড পুনৰুজ্জীৱিত কৰাত নিয়োজিত হৈ আছে। ইয়াত কোৱা হৈছে যে, ভাৰতে সেৱা খণ্ডৰ দ্বাৰা পোনপটীয়াকৈ নেতৃত্ব দিয়া বিকাশৰ ক্ষেত্ৰত আগবাঢ়িছে।
প্ৰতিবেদন অনুসৰি, ২০২২-২৩ বিত্তীয় বৰ্ষত ভাৰতত ইলেকট্ৰনিক্স উৎপাদন হৈছে ১০১ বিলিয়ন ডলাৰ, যি জিডিপিত মাত্ৰ ৩ শতাংশ অৰিহণা যোগায়। আনহাতে এছিয়াৰ অন্য়ান্য় দেশবোৰত, ই জিডিপিৰ ৭ ৰ পৰা ১৮ শতাংশ অৰিহণা যোগায়।
নোমুৰাই ইয়াৰ এক প্ৰতিবেদনত কৈছে যে, যদি উৎপাদন আৰু যোদান শৃংখলাৰ স্থানান্তৰৰ ওপৰত নীতিগত গুৰুত্বই দেশৰ অৰ্থনৈতিক বিকাশ ত্বৰান্বিত কৰিব পাৰে, তেন্তে কৰ্পোৰেটবোৰে মধ্য়মাদী সময়ত উপাৰ্জন বৃদ্ধি দেখিব। প্ৰতিবেদন অনুসৰি, ভাৰতৰ ইলেকট্ৰনিক্স আৰু অৰ্ধপৰিবাহী খণ্ড, য’ত বিশ্বৰ আগশাৰীৰ কোম্পানীবোৰ উপস্থিত আছে, সেই ক্ষেত্ৰত অগ্ৰগতি দেখা গৈছে। ফাৰ্মাখণ্ডত কেঁচামালৰ বাবে চীনৰ ওপৰত নিৰ্ভৰশীলতা হ্ৰাস কৰিবলৈ ভাৰতত উৎপাদনৰ নিৰন্তৰ প্ৰচাৰ কৰা হৈছে।
