বৰ্তমান সময়ত প্ৰায়সমূহ লোকৰ এটা সমস্যা হৈছে মেদবহুলতা। অকল প্ৰাপ্ত বয়স্ক লোক বুলিয়ে নহয় শিশুও মেদবহুলতাৰ সমস্যাত ভোগা দেখা গৈছে। যাৰ বাবে নিতৌ এই সমস্যাত ভোগা লোকৰ সংখ্যা বৃদ্ধি হৈছে। আপুনিও যদি মেদবহুলতাৰ সমস্যাত ভুগিছে তেতিয়া হ’লে ত্যাগ কৰিব লাগিব এইকেইবিধ খাদ্য।
আলুৰ চিপছঃ ৰঙীন পেকেটত অহা আলুৰ চিপছ আপুনি বাদ দিব লাগিব। চিপছত অতি বেছি কেলৰি, নিমখ আৰু অসংপৃক্ত চৰ্বি থাকে বাবেই চৰ্বি কমাবলৈ ত্যাগ কৰিব লাগিব আলুৰ চিপছ।
মিঠাঃ মিঠা সকলোৰে প্ৰিয়। চকলেট, বিভিন্ন ধৰণৰ মিঠাই সকলোৱে খাই ভাল পায়। অৱশ্যে, অতিৰিক্ত মিঠাই আপোনাৰ চৰ্বি বৃদ্ধি কৰিব পাৰে। গতিকে, চৰ্বি কমাবলৈ বাদ দিব লাগিব মিঠাই-চকলেট।
আইচক্ৰীমঃ গৰমৰ পৰা পৰিত্ৰাণ পাবলৈ আমি আইচক্ৰীমৰ প্ৰতি সোনকালে আকৰ্ষণ হওঁ। কিন্তু আইচক্ৰীম স্বাস্থ্যৰ বাবে উপকাৰী নহয়। কিয়নো আইচক্ৰীম চেনি আৰু চৰ্বিৰে ভৰপূৰ। লগতে, আইচক্ৰীমত গ্লাইচেমিক ইনডেক্সৰ মাত্ৰা বেছি থকাৰ বাবে তেজত চেনীৰ মাত্ৰা বৃদ্ধি কৰে।
জাংক ফুডঃ দৈনন্দিন জীৱনত জাংক ফুড আমি সহজতে পাব পাৰো। ৰাজপথৰ কাষতে থকা জাংক ফুড আমি সকলোৱে খাবলৈ ভাল পাও। অৱশ্যে, এই জাংক ফুডে আপোনাৰ চৰ্বি অত্যাধিক পৰিমানে বৃদ্ধি কৰিব পাৰে।
পেক কৰা ফলৰ ৰসঃ বৰ্তমান সময়ত বিভিন্ন ধৰণৰ ফলৰ পেক কৰা ৰস আমি দেখিবলৈ পাও। এই পেক কৰা ফলৰ ৰসসমূহৰ প্ৰতি শিশুসকলো আকৰ্ষিত হয়। অৱশ্যে, পেক কৰা ফলৰ ৰসে বৃদ্ধি কৰিব পাৰে আপোনাৰ চৰ্বি।