শিক্ষকক কঠোৰ ভাষাৰে সমালোচনা সৰ্বোচ্চ ন্যায়ালয়ৰ। শিক্ষক সংঘৰ ফালৰ পৰা দিয়া আবেদনৰ পিছতে এই কঠোৰ বাক্যবাণ ছুপ্ৰিম কৰ্টৰ।
বিহাৰৰ শিক্ষকক উদ্দ্যেশি সৰ্বোচ্চ ন্যায়ালয়ে কয় যে, ছুটীৰ বাবে এপলিকেশ্যন লিখিব নোৱাৰা ব্যক্তিয়ে কেনেকৈ চাকৰি পালে। ৰাষ্ট্ৰ নিৰ্মাণত শিক্ষকৰ অৰিহণা থাকে, যদিহে আপোনালোকে শিক্ষাৰ্থীক ভাল শিক্ষা দিব নোৱাৰে তেন্তে স্বইচ্ছাই পদত্যাগ কৰিব লাগে বুলি উচ্চতম ন্যায়ালয়ৰ সকীয়নি বিহাৰৰ শিক্ষকক। বিহাৰৰ শিক্ষকে কৰা আবেদনৰ ভিত্তিত এই মন্তব্য কৰে সৰ্বোচ্চ ন্যায়ালয়ে। পোষ্ট গ্ৰেজুৱেট হৈ ছুটীৰ এপলিকেশ্যন লিখিব নাজানে একাংশ শিক্ষকে।
বিহাৰ চৰকাৰে যদি শিক্ষকৰ এই আসোঁৱাহ সমূহ দূৰ কৰাৰ বাবে বিশেষ ব্যৱস্থা গ্ৰহণ কৰে তেন্তে শিক্ষক নামি পৰে প্ৰতিবাদদ। ভাল পদক্ষেপৰ বিৰুদ্ধে বিৰোধিতা কৰে এনে শিক্ষকে। যোগ্যতাৰ ভিত্তিত শিক্ষকৰ পৰীক্ষাৰ আয়োজন কৰিলে প্ৰতিবাদত বহি পৰে এনে একাংশ শিক্ষক। বিহাৰৰ শিক্ষকক কঠোৰ বাক্যবাণ প্ৰয়োগ কৰে উচ্চতম ন্যায়ালয়ে। উচ্চতম ন্যায়ালয়ে এই মন্তব্য কৰি বিহাৰৰ শিক্ষকে কৰা আবেদন খাৰিজ কৰে।
বিহাৰৰ শিক্ষকসকলৰ এই আবেদন আছিল শিক্ষকৰ যোগ্যতা ভিত্তিক পৰীক্ষা বন্ধ কৰা। কিন্তু ওলোটাই সৰ্বোচ্চ ন্যায়ালয়ে একপ্ৰকাৰ ধমক দিয়ে বিহাৰৰ শিক্ষকসকলক। বিহাৰ চৰকাৰে শিক্ষকৰ যোগ্যতা ভিত্তিক পৰীক্ষাত অৱতীৰ্ণ হ’ব লাগিব শিক্ষকসকল। চৰকাৰৰ নিয়ম পালন কৰিব লাগিব বিহাৰৰ শিক্ষকে।
