‘২৪ বছৰীয়া কেৰিয়াৰত মই চৰকাৰৰ হেঁচাত কোনো কাম কৰা নাই। চৰকাৰৰ হেঁচাত আজিলৈকে মই কোনো কাম কৰা নাই।’
এই মন্তব্য কৰিছে ছুপ্ৰিম কৰ্টৰ মুখ্য ন্যায়াধীশ ডি ৱাই চন্দ্ৰচূড়ে। এক প্ৰতিবেদনত এই কথা উল্লেখ কৰি মুখ্য ন্যায়াধীশ গৰাকীয়ে মন্তব্য কৰে যে, ২৪ বছৰে কোনো চৰকাৰৰ হেঁচাত মই কাম কৰা নাই। ন্যাপালিকাসমূহৰ শক্তি বৃদ্ধি কৰাৰ বাবে চৰকাৰৰ সৈতে কাম কৰি আহিছে বুলিও তেওঁ উল্লেখ কৰে। ছুপ্ৰিম কৰ্ট, হাইকৰ্ট, জিলাস্তৰৰ আদালতসমূহত ন্যায়াধীশৰ সংখ্যা বৃদ্ধি কৰাৰ বাবে চৰকাৰৰ সৈতে আলোচনা অব্যাহত ৰাখিছে বুলিও মন্তব্য কৰে দেশৰ মুখ্য ন্যায়াধীশগৰাকীয়ে। ছুপ্ৰিম কৰ্টৰ ন্যায়াধীশৰ সংখ্যা বৃদ্ধি কৰাৰ বাবে সাংবিধানিক সংশোধনৰ প্ৰয়োজন। ভাৰতৰ জনসংখ্যাৰ অনুপাতে ন্যায়াধীশৰ সংখ্যা তেনেই তাকৰ বুলি উল্লেখ ডি ৱাই চন্দ্ৰচূড়ৰ। ভাৰতত বৃদ্ধি পোৱা ঘটনাপ্ৰবাহৰ বাবে আমাক আৰু অধিক ন্যায়াধীশৰ প্ৰয়োজন। যিমান সোনকালে পাৰি আদালত সমূহৰ পদসমূহৰ বাবে নিযুক্তি প্ৰক্ৰিয়া আৰম্ভ কৰিব লাগে।
