এমাহতেই হাইলাকান্দিত সন্ধানহীন ১০ গৰাকী যুৱতী। হাইলাকান্দি জিলাৰ লালা কাটলিছেৰা, আলগাপুৰ আৰু ৰামনাথপুৰ থানাৰ অন্তৰ্গত বহু গাঁৱৰ পৰা ১০ গৰাকী যুৱতীসহ এটি কণমানি শিশু আৰু এগৰাকী গৃহিণী সন্ধানহীন হৈ আছে।
চলিত মাহৰ ৪ তাৰিখৰ পৰা ১৮ তাৰিখৰ ভিতৰত সন্ধানহীন হৈছে এই যুৱতী কেইগৰাকী। সন্ধানহীন হোৱা যুৱতী কেইগৰাকীৰ আৰু কণমানি শিশুটিৰ পৰিয়ালে জিলাখনৰ বিভিন্ন আৰক্ষী চকীত গোচৰ দিছে যদিও বৰ্তমানলৈকে আৰক্ষীয়ে কোনো ধৰণৰ শুংসূত্ৰ উলিয়াব পৰা নাই।
ইতিমধ্যে হাইলাকান্দি আৰক্ষীয়ে যুৱতী কেইগৰাকীৰ আৰু শিশুটিৰ সন্ধান বিচাৰি সামজিক মাধ্যমত পোষ্ট শ্বেয়াৰ কৰিছে।
যদি কোনো লোকে সন্ধানহীন যুৱতী আৰু কণমানি শিশুটিক প্ৰত্যক্ষ কৰে তেন্তে ফেচবুকত দিয়া পোষ্টৰ আধাৰত নিকটৱৰ্তী আৰক্ষী চকীত অৱগত কৰিবলৈ অনুৰোধ জনাইছে হাইলাকান্দি আৰক্ষীয়ে।
