কেন্দ্ৰীয় সংসদীয় পৰিক্ৰমা মন্ত্ৰী কিৰেন ৰিজিজুৱে শুকুৰবাৰে ভাৰতৰ সংবিধানক কেৱল বৃহত্তম নহয়, বিশ্বৰ ভিতৰতে আটাইতকৈ উল্লেখযোগ্য আৰু সুন্দৰ বুলি অভিহিত কৰে।
ভাৰতৰ সংবিধান গৃহীত হোৱাৰ ৭৫ বছৰীয়া জয়ন্তী উপলক্ষ্যে হোৱা আলোচনাৰ সময়ত লোকসভাত ভাষণ দি কেন্দ্ৰীয় সংসদীয় পৰিক্ৰমা মন্ত্ৰী কিৰেন ৰিজিজুৱে কয়, ‘মই এনে এটা অঞ্চলৰ পৰা আহিছো য’ত মই প্ৰথমে বিমান আৰু পিছতহে গাড়ী দেখিছো কাৰণ মই সাংসদ হোৱাৰ পিছতহে গাড়ীৰ বাবে ৰাস্তা-পথ নিৰ্মাণ হৈছিল। বাবা চাহেব আম্বেদকাৰে যিখন আসনত বহিছিল সেই আসনত বহাৰ সুযোগ প্ৰদান কৰিছে প্ৰধানমন্ত্ৰী মোদীয়ে।’
‘যেতিয়া মই এই দেশৰ আইন মন্ত্ৰী হৈছিলো। আইন মন্ত্ৰী পদ গ্ৰহণ কৰাৰ পূৰ্বে মই প্ৰথমে বুজিবলৈ চেষ্টা কৰিছিলো যে বাবা চাহেব আম্বেদকাৰে কি বিচাৰিছিল আৰু তেওঁ কৰিব নোৱাৰা সকলো কথা আৰু চিন্তা তেওঁৰ মনত কি আছিল। আমাৰ সংবিধান কেৱল বিশ্বৰ আটাইতকৈ ডাঙৰ সংবিধান নহয় বিশ্বৰ আটাইতকৈ সুন্দৰ সংবিধানো,’ তেওঁ লগতে এইদৰে কয়।
ৰিজিজুৱে লগতে বি আৰ আম্বেদকাৰৰ মৃত্যুৰ পিছত তেওঁৰ ধাৰণা আৰু লিখনীৰ ভুল ব্যাখ্যা কৰা হৈছিল বুলিও সদনত উল্লেখ কৰে।
উল্লেখ্য যে, ভাৰতৰ সংবিধান গৃহীত হোৱাৰ ৭৫ বছৰীয়া জয়ন্তী উপলক্ষ্যে সদনত ১৩ ডিচেম্বৰৰ পৰা দুদিনীয়াকৈ আলোচনা চলি আছে।
