যদি আপুনিও ওঁঠ ক’লা হোৱাৰ সমস্যাত অশান্তি পাইছে, তেন্তে প্ৰথমে আপোনাৰ কিছুমান অভ্যাসৰ প্ৰতি গুৰুত্ব দিয়া উচিত। সাধাৰণতে আমাৰ কিছুমান ভুল অভ্যাসৰ বাবেই ওঁঠ ক’লা হোৱাৰ সমস্যা হ’ব পাৰে। ঔষধ আৰু অত্যধিক সৌন্দৰ্য্য সামগ্ৰী ব্যৱহাৰ কৰিলেও ওঁঠৰ ক্ষতি হয়। এই সমস্যাৰ কাৰণ আৰু ইয়াক প্ৰতিৰোধৰ উপায় কি জানো আহক-
- মৃত ছালৰ বাবে
দৈনিক ওঁঠৰ মৃত ছাল এৰুৱাই দিব লাগে। ওঁঠৰ মৃত ছালৰ বাবে ওঁঠ ক’লা দেখাবলৈ আৰম্ভ কৰে। ইয়াৰ ফলত ওঁঠত বলিৰেখা ওলায় আৰু ছালখন বেয়া হ’বলৈ আৰম্ভ কৰে।
- ঔষধৰ পাৰ্শ্বক্ৰিয়া
ঔষধ ব্যৱহাৰ কৰিলেও ওঁঠৰ ক্ষতি হয়। বেছিকৈ বিষনাশক আৰু এন্টিবায়’টিক সেৱন কৰিব নালগে। ইয়াৰ ফলত বহু ধৰণৰ পাৰ্শ্বক্ৰিয়া হ’ব পাৰে আৰু ওঁঠ ক’লা হোৱা দেখা দিয়ে।
- লিপষ্টিকৰ অত্যধিক ব্যৱহাৰ
লিপষ্টিকটোৰ ভিতৰত থকা ৰাসায়নিক পদাৰ্থইও ওঁঠৰ ক্ষতি কৰে। এলাৰ্জীৰ ফলতো ওঁঠত হাইপাৰপিগমেণ্টেচন হয়, যাৰ ফলত ওঁঠ ক’লা দেখাব পাৰে।
- ধূম্ৰপান
ধূম্ৰপানে ওঁঠৰ ছাল ক’লা কৰি পেলাব পাৰে। যদি আপুনিও বেছি ধূম্ৰপান কৰে, তেন্তে লগে লগে ইয়াক কম কৰিব লাগে বা অথবা ইয়াক সম্পূৰ্ণৰূপে এৰি দিয়া উচিত।
- পানীৰ অভাৱ
শৰীৰত পানীৰ অভাৱৰ বাবে ওঁঠৰ ৰং সলনি হ’ব পাৰে। এই সমস্যা শীতকালত বেছি হয় কাৰণ বহু সময়ত প্ৰয়োজনতকৈ কম পানী খায়। ওঁঠৰ ছালত প্ৰভাৱ নপৰিবলৈ পৰ্যাপ্ত পৰিমাণৰ পানী খাব লাগে আৰু শৰীৰক জলসিঞ্চিত কৰি ৰাখিব লাগে।
প্ৰতিৰোধৰ বাবে এই পদ্ধতিসমূহ গ্ৰহণ কৰা উচিত-
- নিয়মিতভাৱে ওঁঠত মইশ্ব’ৰাইজাৰ লগাব লাগে।
- ধূম্ৰপান কৰিব নালাগে।
- শৰীৰ হাইড্ৰেটেড কৰি ৰাখিব লাগে।
- লিপষ্টিক ব্যৱহাৰৰ সলনি প্ৰাকৃতিক বস্তু ব্যৱহাৰ কৰিব লাগে।
