ৰাজস্থানৰ সীকৰত ৯ ডিচেম্বৰত এক ডাঙৰ পথ দুৰ্ঘটনা সংঘটিত হয়। জয়পুৰৰ বীকানেৰ ৰাষ্ট্ৰীয় ঘাইপথৰ ফতেহপুৰৰ সমীপত এখন শ্লীপাৰ বাছৰ সৈতে এখন ট্ৰাকৰ এক ভয়ংকৰ সংঘৰ্ষ হয়। এই সংঘৰ্ষ ইমানেই ভয়ানক আছিল যে, বাছখনৰ সন্মুখভাগ সম্পূৰ্ণৰূপে ক্ষতিগ্ৰস্ত হয়।
খবৰ অনুসৰি, ঘটনাৰ বিষয়ে অৱগত হৈ আৰক্ষীয়ে উদ্ধাৰ অভিযান আৰম্ভ কৰে। এই পথ দুৰ্ঘটনাত মুঠ ৩ জনৰ প্ৰাণহানি হয়। ইফালে আকৌ ১৮ জনৰো অধিক যাত্ৰী গুৰুতৰভাৱে আঘাতপ্ৰাপ্ত হয়। ইয়াৰে ৭ জনৰ অৱস্থা অধিক সংকটজনক বুলি জানিব পৰা গৈছে। ইতিমধ্যে আহতসকলক চিকিৎসালয়লৈ প্ৰেৰণ কৰা হৈছে।
ঘটনা সন্দৰ্ভত লাভ কৰা তথ্য অনুসৰি শ্লীপাৰ বাছখনৰ আটাইকেইজন যাত্ৰী গুজৰাটৰ ভালছাদৰ বাসিন্দা বুলি জানিব পৰা গৈছে। জম্মুৰ মাতা বৈষ্ণো দেৱীক দৰ্শন কৰি খাতু শ্যাম জীৰ দৰ্শনলৈ আহিছিল এইসকল ভক্তই। জানিব পৰা মতে, বাছখন বিকানেৰৰ পৰা জয়পুৰলৈ গৈ আছিল, আনহাতে ট্ৰাকখন ঝুনঝুনুৰ পৰা বিকানেৰলৈ গৈ আছিল। দুৰ্ঘটনাটোৰ ফলত ঘটনাস্থলীত ব্যাপক ক্ষোভৰ সৃষ্টি হয়।
খবৰ অনুসৰি বাছ যাত্ৰী মায়ংক আৰু চালক কমলেশৰ এই দুৰ্ঘটনাত মৃত্যু হয়। নিহত এজন অচিনাক্ত হয়। পোন্ধৰজন আহতক চিকিৎসাৰ বাবে ছিকাৰলৈ প্ৰেৰণ কৰা হৈছে। আনসকলক ফতেহপুৰ চিকিৎসালয়ত ভৰ্তি কৰোৱা হৈছে।
