ছিকিমৰ গিয়ালশ্বিং জিলাত শুকুৰবাৰে সংঘটিত হৈছে এক ভয়ংকৰ পথ দুৰ্ঘটনা। জানিব পৰা অনুসৰি, এখন যাত্ৰীবাহী বাহনে নিয়ন্ত্ৰণ হেৰুৱাই দ’ খাৱৈত বাগৰি পৰাৰ ফলত পাঁচজন লোকৰ মৃত্যু হয়।
আৰক্ষীয়ে জানিব দিয়া অনুসৰি, এই পাঁচজন যাত্ৰীয়ে এখ বিয়াৰ অনুষ্ঠানৰ বাবে গৈ থকা সময়তে দুৰ্ঘটনাত পতিত হয়।
দুৰ্ঘটনাত পতিত হৈ মৃত্যু হোৱা লোকসকলক অভিষেক দাহাল, অভি কিশোৰ দাহাল, চন্দ্ৰ বাহাদুৰ মাংগৰ, কৰ্ণ বাহাদুৰ গুৰুং আৰু জীৱন কাৰ্কি বুলি চিনাক্ত কৰা হৈছে। এই আটাইকেইজন লোক য়ুকছোম-তাচিদিং সমষ্টিৰ বাসিন্দা।
ইফালে এই ঘটনাৰ শোকপ্ৰকাশ কৰি মুখ্যমন্ত্ৰী পি এছ তামাঙে শোকসন্তপ্ত পৰিয়াললৈ গভীৰ সমবেদনা জ্ঞাপন কৰে।
