দক্ষিণ কাশ্মীৰৰ ডাকছুমত সংঘটিত হৈছে এক ভয়ংকৰ দুৰ্ঘটনা। এখন বাহন দ’ খাৱৈত বাগৰি পৰাৰ ফলত ৫টি শিশুসহ ৮জন লোকৰ মৃত্যু হৈছে।
দক্ষিণ কাশ্মীৰৰ অনন্তনাগ জিলাৰ ডাকছুম অঞ্চলত সংঘটিত হৈছে এই ঘটনা। বাহনখনে হঠাতে নিয়ন্ত্ৰণ হেৰুওৱাৰ ফলতে এই ভয়ংকৰ দুৰ্ঘটনাটো সংঘটিত হয়।
স্থানীয় প্ৰশাসনিক বিষয়া চৈয়দ মুইজ কাদৰীয়ে কয় যে ঘটনাস্থললৈ এটা উদ্ধাৰকাৰী দল প্ৰেৰণ কৰা হৈছে। ৫টা শিশুকে ধৰি প্ৰায় ৮জন লোকৰ মৃত্যু ঘটিছে।
বিষয়াসকলে জনোৱা মতে, জে কে ০৩এইচ ৯০১৭ নম্বৰৰ ছুমো গাড়ীখনে নিয়ন্ত্ৰণ হেৰুৱাই ডাকছুমৰ সমীপত পথৰ পৰা বাগৰি পৰে।
দুৰ্ঘটনাত পতিত হোৱা লোকসকল কিস্তৱাৰৰ পৰা আহি আছিল। দুৰ্ঘটনা সংঘটিত হোৱা সময়ত গাড়ীখনত পাঁচটি শিশু, দুগৰাকী মহিলা আৰু এজন পুৰুষ আছিল।
