ৰাজ্যত ঈদ-উজ-জোহা উদযাপনৰ মাজতে সমগ্ৰ অসমৰ একাধিক স্থানৰ পৰা অবৈধভাৱে নিষিদ্ধ মাংস উদ্ধাৰৰ বিৰক্তিকৰ ঘটনা সংঘটিত হোৱাৰ বাতৰি পোৱা গৈছে।
এইসমূহ হৈছে-
ঘটনা ১- গুৱাহাটীত ঈদৰ উদযাপনৰ মাজতে দুৰ্বৃত্তই কটন বিশ্ববিদ্যালয়ৰ হোষ্টেল ৰোডৰ চৌপাশত উদ্ধাৰ হয় নিষিদ্ধ মাংস। এই নিষিদ্ধ মাংস উদ্ধাৰক লৈ বিশ্ববিদ্যালয়খনত বিৰাজ কৰে তীব্ৰ চাঞ্চল্যৰ।ডাষ্টবিনৰ স্থানত মুকলিকৈ পেলাই থয় এই অৱশিষ্টসমূহ। ছাত্ৰ-ছাত্ৰীসকলে পথৰ কাষত এইবোৰ দেখা পাই ঘটনাটো সন্দৰ্ভত প্ৰশাসনক সকীয়াই তোলে। কোনো দুষ্ট চক্ৰই এনেদৰে পথৰ কাষত নিষিদ্ধ মাংস পেলাই যোৱাৰ সন্দেহ। প্ৰশাসনক তদন্ত কৰাৰ আহ্বান স্থানীয়ৰ লগতে সকলো কটনিয়ানৰ।
ঘটনা ২- কটনৰ পিছত জালুকবাৰীত হয় নিষিদ্ধ মাংস। জালুকবাৰীৰ এটা শিৱ মন্দিৰৰ সমীপৰ নলাত কোনো অজ্ঞাত লোকে এই মাংস পেলাই থৈ যোৱাৰ সন্দেহ।
ঘটনা ৩- ধুবুৰী এটি মন্দিৰত সন্দেহজনক নিষিদ্ধ মাংস উদ্ধাৰক লৈ সৃষ্টি হৈছে উত্তপ্ত পৰিস্থিতিৰ। দুষ্কৃতিকাৰীয়ে বজৰংবলী মন্দিৰৰ চৌহদত এই নিষিদ্ধ মাংস ৰাখি থোৱাৰ অভিযোগ।
উক্ত মন্দিৰৰ চৌহদৰ পৰা এই মাংস উদ্ধাৰৰ পাছতে পথ অৱৰোধ কৰি প্ৰতিবাদ হিন্দু ধৰ্মালম্বী লোকৰ। যেতিয়ালৈকে এই দুষ্কৃতিকাৰীক আৰক্ষীয়ে আটক নকৰে, সেই স্থানৰ পৰা এই নিষিদ্ধ মাংস লৈ যাব দিয়া নহ’ব বুলি হুংকাৰ ৰাইজৰ৷
ঘটনাস্থলীত উপস্থিত হয় ধুবুৰীৰ জিলা আয়ুক্ত, আৰক্ষী অধীক্ষকে ধৰি উপস্থিত আৰক্ষীৰ উচ্চ-পদস্থ বিষয়া। টায়াৰ জ্বলাই প্ৰতিবাদ ক্ষুব্ধ ৰাইজৰ।
ঘটনা ৪- আনহাতে হোজাইতো হৈছে আৰক্ষীৰ লাঠী চার্জ। বৰপুখুৰীত পথৰ ওপৰত নিষিদ্ধ মাংস পেলাই থৈ যোৱা কেন্দ্ৰ কৰি সৃষ্টি হৈছে উত্তপ্ত পৰিস্থিতিৰ। বৰপুখুৰীত হিন্দু সকলে পথ অৱৰোধ কৰি প্ৰতিবাদ সাব্যস্ত কৰাৰ বিপৰীতে ভূঞাপট্টিত স্থানীয় মুছলমান লোকে পথ অৱৰোধ কৰি পৰিস্থিতি উত্তপ্ত কৰি তোলে।
পৰৱৰ্তী সময়ত আৰক্ষী ভূঞা পট্টিত উপস্থিত হৈ নিয়ন্ত্ৰনৰ চেষ্টা চলাই যদিও পৰিস্থিতি অধিক ভয়ানক হোৱাত আৰক্ষীয়ে লাঠি চার্জ কৰি ছত্ৰ ভংগ দিয়ে প্ৰতিবাদ কাৰীক।
হোজাইৰ এই ঘটনাক কেন্দ্ৰ কৰি উপস্থিত আই জি পি অখিলেশ সিং। ঘটনাস্থলীত উপস্থিত হৈ ৰাইজৰ লগত মত বিনিময় কৰি ঘটনাৰ বুজ লয় সিঙে। উক্ত ঘটনাৰ লগত জড়িত দুস্কৃতিকাৰীৰ বিৰুদ্ধে আৰক্ষীৰ ফালৰ পৰা সকলো ধৰণৰ ব্যৱস্থা লোৱা হ’ব বুলি মন্তব্য কৰে। লগতে বৰপুখুৰী অঞ্চলৰ পৰিস্থিতিৰ প্ৰতি লক্ষ্য ৰাখি আৰক্ষীৰ তহলৰ ব্যৱস্থা কৰা হ’ব বুলি জানিব দিয়ে আই জি পি গৰাকীয়ে। তদন্ত ইতিমধ্যে আৰক্ষীয়ে এই ঘটনাৰ কৰিছে আৰম্ভ।
ইয়াৰোপৰি কাছাৰ আৰু শ্ৰীভূমিতো অবৈধভাৱে বধ কৰা নিষিদ্ধ মাংস পোৱা গৈছে।
এই সমগ্ৰ কাণ্ডসমূহত আৰক্ষীয়ে ইতিমধ্যে জনক আটক কৰিছে। ২০২১ চনতে অসম গৰু সুৰক্ষা আইনৰ অধীনত অবৈধ বধৰ বিৰুদ্ধে শক্তিশালী আইনী নীতি প্ৰণয়ণৰ পিছতো অসমত বিভিন্ন স্থানত হোৱা এনেধৰণৰ ঘটনাত ক্ষোভিত হৈছে অসমৰ মুখ্যমন্ত্ৰী ড০ হিমন্ত বিশ্ব শৰ্মাই। যাৰ বাবে মুখ্যমন্ত্ৰীয়ে সকলো আইন উলংঘাকাৰীৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি জানিবলৈ দিয়ে।
