চামগুৰিৰ আমনিত সংঘটিত হয় পথ দুৰ্ঘটনা। ৰাজপথত ৰৈ থকা এখন ট্ৰাকত প্ৰচণ্ড খুন্দা মাৰে আন এখন ট্ৰাকে। যাৰ ফলত গুৰুতৰভাৱে আঘাতপ্ৰাপ্ত এজন ট্ৰাকচালক।
ঘটনাৰ বিৱৰণ অনুসৰি, AS0******1 নম্বৰৰ ট্ৰাকখনৰ চকা পামচাৰ হোৱাত ৰাজপথৰ কাষতে ৰখাই ট্ৰাক খনৰ চালকে পামচাৰ হোৱা চকা খুলি থকাৰ সময়তেই তীব্ৰ গতিত অহা AS0******2 নম্বৰৰ আন এখন ট্ৰাকে ৰখাই থোৱা ট্ৰাকখনত প্ৰচণ্ড খুন্দা মৰাৰ ফলত সংঘটিত হয় এই দুৰ্ঘটনা।
এই দুৰ্ঘটনাৰ ফলত AS0******1 নম্বৰৰ পামচাৰ হোৱা ট্ৰাক খনৰ চকা খুলি থকা চালক জনৰ এখন ভৰি ট্ৰাক খনৰ চকাৰ তলত সোমাই যোৱাৰ ফলত বহু সময় আৱদ্ধ হৈ ৰয় আঘাতপ্ৰাপ্ত চালকজন।
ইয়াৰ পিছতে স্থানীয় ৰাইজে বহু সময় ধৰি ট্ৰাকৰ তলত আৱদ্ধ হৈ থকা আঘাতপ্ৰাপ্ত চালকজনক সংকটজনক অৱস্থাত চিকিৎসাৰ বাবে NMCHলৈ প্ৰেৰণ কৰে।
আনহাতে,দুৰ্ঘটনা সংঘটিত কৰা ট্ৰাক চালকে ঘটনাস্থলীৰ পৰা পলায়ন কৰা অভিযোগ দিয়ে স্থানীয় ৰাইজে।
ইতিমধ্যে ঘটনাস্থলীত চামগুৰি আৰক্ষী উপস্হিত হৈ দুৰ্ঘটনাগ্ৰস্ত দুয়োখন বাহন ২খন উদ্ধাৰ কৰে। সম্প্ৰতি আৰক্ষীয়ে এই ঘটনাৰ উচিত তদন্ত আৰম্ভ কৰিছে।
