দুমাহ পূৰ্বে বিবাহপাশত আৱদ্ধ হোৱা ন বোৱাৰীৰ মৃতদেহ উদ্ধাৰ হয়। নৱবিবাহিত বোৱাৰী এগৰাকীৰ মৃত্যুক কেন্দ্ৰ কৰি সৃষ্টি হয় তীব্ৰ চাঞ্চল্যকৰ পৰিৱেশ।
এই চাঞ্চল্যকৰ ঘটনা সংঘটিত হৈছে চাপৰৰ শ্ৰীগ্ৰাম ষষ্ঠ খণ্ড গাঁৱত। এই মৃত বোৱাৰীৰ গৰাকীৰ নাম আফছানা আহমেদ বুলি জানিব পৰা গৈছে।
বহু সপোন লৈ শালকোচা আৰক্ষী চকীৰ অন্তৰ্গত শ্ৰীগ্ৰাম ষষ্ঠ খণ্ড গাঁৱৰ কুৰবান আলীৰ সৈতে বিবাহ পাশত আৱদ্ধ হয় আফছানা আহমেদে। পিছে দুমাহ পূৰ্বে বিয়া হোৱা এইগৰাকী নৱবিবাহিতাক স্বামী গৃহৰ ভিতৰত মৃত অৱস্থাত উদ্ধাৰ কৰে আৰক্ষীয়ে। আকৌ ঘটনা সংঘটিত হোৱাৰ পিছৰে পৰা কুৰমান আলী আৰু তেওঁৰ পৰিয়ালৰ লোকসকলে পলায়ন কৰে।
ইফালে স্বামীৰ পৰিয়ালে আফছানাক হ*ত্যা কৰি আ*ত্মহ*ত্যাৰ ৰূপ দিয়াৰ অভিযোগ ছোৱালীৰ পৰিয়ালৰ লোকৰ। ইতিমধ্যে ঘটনাস্থলীত আৰক্ষী উপস্থিত হৈ মৃ*তদেহ উদ্ধাৰ কৰি তদন্ত অব্যাহত ৰাখিছে শালকোচা আৰক্ষীয়ে। জানিব পৰা মতে দুমাহ পূৰ্বে প্ৰেমৰ সম্পৰ্কৰে বিবাহপাশত আৱদ্ধ হৈছিল আফছানা। ঘটনাৰ উচিত তদন্ত কৰি দোষীক যথাযথ শাস্তি বিহিবলৈ প্ৰশাসনৰ ওচৰত অনুৰোধ জনায় মহিলাগৰাকীৰ পৰিয়ালৰ লোকে।
