ঘৰত কোন নথকাৰ সুযোগ লৈ এগৰাকী কিশোৰীৰ সৈতে কুকৰ্ম কৰিলে এজন ৬০ বছৰীয়া বৃদ্ধই। অৱশেষত আৰক্ষীয়ে গ্ৰেপ্তাৰ কৰে এই লম্পট বৃদ্ধজনক।
হাইলাকান্দিত সংঘটিত হৈছে এই জঘন্য ঘটনা। ৬০ বছৰীয়া এগৰাকী বৃদ্ধৰ কামনাৰ বলি হৈছে এগৰাকী ১৬ বছৰীয়া কিশোৰী। হাইলাকান্দি জিলাৰ লালা আৰক্ষী চকীৰ অন্তৰ্গত এখন গাঁৱত সংঘটিত হৈছে এই জঘন্য ঘটনা।
ঘৰত কোন নথকাৰ সুযোগলৈ ৬০ বছৰীয়া বৃদ্ধ সমীৰন নাথে অপকৰ্ম সংঘটিত কৰিলে এই কিশোৰী গৰাকীৰ সৈতে। পিতৃ-মাতৃ নথকা ১৬ বছৰীয়া কিশোৰীগৰাকী নিজ আইতাকৰ সৈতে থাকে। আইতাকে কোনো কামৰ বাবে ওলাই গৈছিল। সেইসময়ত কিশোৰী গৰাকী ঘৰত অকলে আছিল।
ঘৰত কোনো লোক নথকাৰ সুযোগ লৈয়ে লম্পট বৃদ্ধজনে কিশোৰী গৰাকীৰ সৈতে অপকৰ্ম সংঘটিত কৰে। লম্পট সমীৰন নাথৰ অপকৰ্মৰ ফলত অন্তঃসত্বা হয় ১৬ বছৰীয়া কিশোৰী গৰাকী। ১৬ বছৰীয়া কিশোৰীৰ স্বাস্থ্য পৰীক্ষা কৰাৰ পিছতেই এই কথা জানিব পৰা গৈছে।
ইফালে কিশোৰী গৰাকীৰ আইতাকৰ গোচৰৰ ভিত্তিত লালা আৰক্ষীয়ে গ্ৰেপ্তাৰ কৰে এই ৬০ বছৰীয়া বৃদ্ধ সমীৰন নাথক। লালা আৰক্ষীয়ে সমিৰন নাথক গ্ৰেপ্তাৰ কৰি আদালতলৈ প্ৰেৰণ কৰে। অধিক তদন্তৰ বাবে এই লম্পটজনক ন্যায়লয়ৰ পৰা ২ দিনৰ আৰক্ষী জিম্মালৈ প্ৰেৰণ কৰিছে লালা অৰক্ষীয়ে।
