হিন্দু ঐক্যই আয়োজন কৰে এক পদযাত্ৰাৰ। এই পদযাত্ৰাত হিন্দু ঐক্যই ছটাৰপুৰ হৈ উত্তৰ প্ৰদেশত প্ৰৱেশ কৰে। পিছে হিন্দু ঐক্য পদযাত্ৰাৰ সময়তেই পণ্ডিত ধীৰেন্দ্ৰ কৃষ্ণ শাস্ত্ৰীক মোবাইল ফোনেৰে আক্ৰমণ কৰা হয়।আচলতে হিন্দু একতাৰ পদযাত্ৰাৰ সময়ত কোনোবাই ফুলৰ লগতে মোবাইল ফোন এটাও তেওঁৰ ওপৰত দলিয়াই দিয়ে।
এই ঘটনা সংঘটিত হৈছে মঙলবাৰে উত্তৰ প্ৰদেশৰ মৌৰাণীপুৰৰ সমীপত। ভিৰৰ মাজৰ কোনোবাই ফুলৰ লগতে মোবাইল ফোন এটা পেলাই দিয়াৰ ফলত তেওঁৰ কাণত আঘাত পায়। শাস্ত্ৰীয়ে কয় যে, তেওঁ ম’বাইলটো বিচাৰি পাইছে। এই ঘটনাৰ পিছত দেশত বৃদ্ধি পোৱা সাম্প্ৰদায়িক উত্তেজনাক লৈ উদ্বেগ প্ৰকাশ কৰি তেওঁ কয় যে, এনে একতা সমদল উলিয়াই নিদিলে দেশখন গৃহযুদ্ধৰ দিশে আগবাঢ়িব পাৰে।
বাগেশ্বৰ ধামৰ পীঠধীশ্বৰ পণ্ডিত ধীৰেন্দ্ৰ কৃষ্ণ শাস্ত্ৰীৰ ‘সনাতন হিন্দু ঐক্য’ পদযাত্ৰা চলিছে। ঝান্সীৰ মৌৰাণীপুৰৰ পৰা আৰম্ভ হৈছিল এই যাত্ৰা। ৰাতিপুৱা ৯ বজাৰ পৰা হনুমান চালিচা আৰু মন্ত্ৰ জপৰে আৰম্ভ হোৱা যাত্ৰাত হঠাৎ ৰামভান হোটেলৰ সমীপৰ ভিৰৰ মাজতে কোনোবাই ফুলৰ সৈতে ম’বাইল ফোন এটা শাস্ত্ৰীৰ ফালে দলিয়াই দিয়ে। ফোনটোৱে তেওঁৰ কাণত পোনে পোনে খুন্দা মৰাৰ ফলত তেওঁ বেয়াকৈ আঘাতপ্ৰাপ্ত হয়।
এই ঘটনাৰ পিছত ধীৰেন্দ্ৰ কৃষ্ণ শাস্ত্ৰীয়ে দেশৰ পৰিস্থিতিক লৈ উদ্বেগ প্ৰকাশ কৰে। তেওঁ কয় যে, দেশক গৃহযুদ্ধৰ পৰা ৰক্ষা কৰাটো অতি প্ৰয়োজনীয়। শাস্ত্ৰীয়ে জাতিবাদ, অস্পৃশ্যতা আৰু সামাজিক বৈষম্যক দেশৰ আটাইতকৈ ডাঙৰ সমস্যা বুলি অভিহিত কৰে।
তেওঁ কয় যে এইবোৰ কথাই দেশখক ভিতৰৰ পৰা খোকোলা কৰি পেলাইছে। তেওঁ কয় যে, যেতিয়ালৈকে এই বৈষম্যৰ অন্ত নপৰে আৰু যুৱক-যুৱতীসকলৰ হাতত কলম নুঠে, তেতিয়ালৈকে দেশ আগবাঢ়িব নোৱাৰে।
