বাংলাদেশত মহম্মদ ইউনুছৰ অন্তৱৰ্তীকালীন চৰকাৰ গঠন হোৱাৰ পিছৰে পৰা দেশৰ অৱস্থা অচল হৈ পৰিছে। এফালে বাংলাদেশৰ সংখ্যালঘুসকলকো আক্ৰমণৰ লক্ষ্য কৰি লোৱা হৈছে। যাৰ বাবে সমগ্ৰ বিশ্বতে এই দেশখনক বদনাম কৰা হৈছে।
একে সময়তে দেশখনৰ প্ৰতিস্থাপক শ্বেখ মুজিবুৰ ৰহমানৰ ছবি বাংলাদেশী টাকাৰ পৰা আঁতৰোৱাৰ সিদ্ধান্তৰ বাবে বাংলাদেশে বৃহৎ লোকচানৰ সন্মুখীন হ’বলগীয়া হৈছে।
বাংলাদেশৰ অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছৰ এই সিদ্ধান্তই দেশখনৰ কেন্দ্ৰীয় বেংকৰো ক্ষতি কৰিছে। বৰ্তমান পৰিস্থিতি এনেকুৱা যে, বাংলাদেশত প্ৰায় ১৫ হাজাৰ কোটি টকাৰ মুদ্ৰা প্ৰচলন বন্ধ হৈ গৈছে, যাৰ বাবে দেশখনে বৃহৎ লোকচানৰ সন্মুখীন হৈছে।
শ্বেখ হাছিনা চৰকাৰৰ অভ্যুত্থানৰ পিছতেই বাংলাদেশৰ মৌলবাদী উপাদানৰ সহযোগত গঠন হোৱা মহম্মদ ইউনুছৰ চৰকাৰে বাংলাবন্ধু নামেৰেও পৰিচিত মুজিবৰ ৰহমানৰ লগত জড়িত বস্তু যেনে- কীৰ্তিচিহ্ন আৰু অন্যান্য প্ৰতীক ধ্বংস কৰিব বিচাৰিছে। ইয়াৰ অধীনত নোটৰ প্ৰচলনও বন্ধ কৰি দিয়া হৈছে।
ইফালে নোটৰ নাটনিৰ বাবে বজাৰত ব্যৱসায় স্তব্ধ হৈ পৰিছে। বেংকত ধনৰ অভাৱত নগদ ধন লাভ কৰিবলৈ সক্ষম হোৱা নাই ৰাইজে। ২০২৫ চনৰ এপ্ৰিল মাহৰ আৰম্ভণিতে ইউনুছ চৰকাৰে হঠাতে শ্বেখ মুজিবুৰ ৰহমানৰ প্ৰতিচ্ছবি থকা সকলো নোট আৰু মুদ্ৰাৰ প্ৰচলন প্ৰত্যাহাৰ কৰাৰ সিদ্ধান্ত লয়।
চৰকাৰে মুদ্ৰা নোট নিষিদ্ধ কৰাৰ সিদ্ধান্ত লৈছে যদিও নতুন মুদ্ৰা ছপা নকৰাৰ বাবে দেশত এক বৃহৎ সংকটৰ সৃষ্টি হৈছে।
বাংলাদেশ বেংকৰ মতে মে’ মাহৰ পৰা নতুন নোটৰ ছপা আৰম্ভ হ’ব। এনে পৰিস্থিতিত কেতিয়া নোট ছপা হ’ব আৰু কেতিয়া বজাৰত আহিব সেই লৈ বহু প্ৰশ্ন উত্থাপন হৈছে।
