ভিন্ন ভিন্ন ঘটনাৰ কাৰণে বিহাৰ প্ৰায়ে বাতৰিৰ শিৰোনামত থাকে। বিহাৰত এনে বহু কাম কৰা হয় যিয়ে ৰাজ্যখনলৈ প্ৰশংসা কঢ়িয়াই আনে, আনহাতে এনে বহু কাম কৰা হয়, যিয়ে ৰাজ্যখনৰ বাবে বদনাম কঢ়িয়াই আনে।
শেহতীয়াকৈ বিহাৰৰ পৰা এনে এটা খবৰ আহিছে, যিয়ে সকলোকে আচৰিত কৰি তুলিছে। বিহাৰৰ মুজাফ্ফৰপুৰ জিলাত অৱস্থিত তিৰহুৰ স্নাতকত উপ-নিৰ্বাচন অনুষ্ঠিত হ’ব। ইয়াত ভোটাৰ তালিকাত এক ডাঙৰ অমিল দেখিবলৈ পোৱা গৈছে। আচলতে কথাটো হ’ল, ভোটাৰ তালিকাত শ শ ভোটাৰৰ পিতৃৰ নাম একেটায়ে আহিছে। আনকি মুছলমান ভোটাৰৰ পিতৃৰ নামো একেই।
খবৰ অনুসৰি, ভোটাৰ তালিকাত থকা ১৩৮ জন ভোটাৰৰ পিতৃৰ নাম হৈছে মুন্না কুমাৰ।
এই বিষয়টো ঔৰাই ব্লকৰ ৫৪ নম্বৰ বুথৰ সৈতে জড়িত। ইয়াত ৭২৪ জন ভোটাৰ আছে। ইয়াৰে ১৩৮ জন লোকৰ পিতৃৰ নাম মুন্না কুমাৰ। তিৰহুত স্নাতক সমষ্টিৰ এনেধৰণৰ গাফিলতিত স্তম্ভিত হৈ পৰিছে ৰাইজ। আনকি বিষয়াসকলো এই অসাৱধানতাত আচৰিত হৈছে।
উল্লেখ্য যে, ইয়াৰ পূৰ্বেও বিহাৰৰ বহু ঠাইত দেখা গৈছিল যে, ভোটাৰ তালিকাত মহিলাক পুৰুষলৈ সলনি কৰা হৈছে। বহু সময়ত ছোৱালীজনীৰ ফটোৰ ঠাইত ল’ৰাৰ ফটো পেষ্ট কৰা হয়।
পিছে বিহাৰৰ এই গোচৰটো বেলেগ। ঔৰৈ ব্লক অফিচে প্ৰকাশ কৰা এই তালিকাত শ শ ভোটাৰৰ পিতৃ মুন্না কুমাৰৰ নাম লিপিবদ্ধ কৰা হৈছে। ইয়াত মুঠ ৭২৪ জন ভোটাৰ আছে। ইয়াৰে ১৩৮ জন লোকৰ পিতৃৰ নাম মুন্না কুমাৰ। এই ভুলৰ বাবে সকলো ভোটাৰ স্তম্ভিত আৰু বিচলিত। প্ৰশাসনৰ এনে গাফিলতিত তীব্ৰ গঢ়িহণা দিছে স্থানীয় ৰাইজে।
অঞ্চলটোৰ ভোটাৰসকলে সন্দেহ কৰিছে যে, হয়তো তেওঁলোকক ভোট দিবলৈ দিয়া নহ’বও পাৰে। খবৰ অনুসৰি, যিসকল ভোটাৰৰ পিতৃৰ প্ৰথম আখৰ ‘ম’, তেওঁলোকৰ নাম ইউনিক’ড ফণ্টৰ ভুলৰ বাবে মুন্না কুমাৰ বুলি পঞ্জীয়ন কৰা হৈছে। খবৰ অনুসৰি, ইয়াক কম্পিউটাৰৰ ভুল বুলি কোৱা হৈছে।
তিৰহুত সংমণ্ডলৰ আয়ুক্ত সৰৱনন এম এয়া কাৰিকৰী ভূল বুলি কৈছে। নিৰ্বাচনৰ পিছত চূড়ান্ত কৰা হ’ব এই কাম। ভুলৰ বাবে কোনো ভোটাৰক ভোটদানৰ পৰা বাধা দিয়া নহ’ব বুলিও তেওঁ আশ্বাস দিয়ে।
