বিহাৰত সুৰা নিষেধাজ্ঞা সন্দৰ্ভত এক ডাঙৰ বিবৃতি দিছে বিহাৰৰ এগৰাকী জ্যেষ্ঠ নেতা তথা প্ৰাক্তন কেন্দ্ৰীয় মন্ত্ৰী আৰ কে সিঙে। নীতিশ চৰকাৰৰ ব্যৱস্থাক লৈ তেওঁ প্ৰশ্ন উত্থাপন কৰিছে।
আৰ কে সিং ভাৰত চৰকাৰৰ এগৰাকী প্ৰাক্তন কেন্দ্ৰীয় কেবিনেট মন্ত্ৰী। ২০১৪ চনৰ পৰা ২০২৪ চনলৈ কেবিনেট মন্ত্ৰীৰ দায়িত্বত থকা তেখেতে ২০১৪ চনৰ মে’ৰ পৰা ২০২৪ চনৰ ৪ জুনলৈকে বিহাৰৰ আৰহৰ পৰা ভাৰতীয় সংসদৰ সদস্য হিচাপে কাৰ্যনিৰ্বাহ কৰিছিল।
লগতে সুৰা নিষেধাজ্ঞাৰ পিছতো ৰাজ্যত কেনেকৈ অবৈধ নিচাযুক্ত দ্ৰব্যৰ ব্যৱসায় চলি আছে সেই বিষয়েও আলোচনা কৰে। বিহাৰ আৰক্ষীয়ে সুৰা বিক্ৰীৰ অনুমতি দিয়াৰ প্ৰত্যক্ষ অভিযোগ উত্থাপন কৰিছে বিজেপিৰ এগৰাকী জ্যেষ্ঠ নেতাই।
প্ৰাক্তন কেন্দ্ৰীয় মন্ত্ৰী আৰ কে সিঙে কয় যে, বৰ্তমান বিহাৰত আৰক্ষীয়ে নিজেই সুৰা বিক্ৰী কৰি আছে। নিচাযুক্ত দ্ৰব্যৰ আসক্তিৰ বাবে বিহাৰৰ এচাম যুৱক-যুৱতীৰ জীৱন বিনষ্ট হৈ পৰিছে। ইয়াৰ লগতে তেওঁ কয় যে সুৰা নিষেধাজ্ঞা আইন আঁতৰাব লাগে।
প্ৰাক্তন কেন্দ্ৰীয় মন্ত্ৰী আৰ কে সিঙে আৰক্ষীৰ ওপৰত ডাঙৰ অভিযোগ উত্থাপন কৰে যে, ষ্টেচন মুৰব্বীকে ধৰি আৰক্ষী জোৱানসকলেও নিচাযুক্ত দ্ৰব্যৰ বিক্ৰী কৰি আছে। সুৰা নিষেধাজ্ঞাৰ পিছত বিহাৰৰ যুৱক-যুৱতীসকলে গাঞ্জা আৰু আফিং সেৱন কৰিবলৈ আৰম্ভ কৰিছে, কেৱল এয়াই নহয়, তেওঁলোকে সুৰাৰ সৰবৰাহ আৰম্ভ কৰিছে আৰু আৰক্ষী থানাৰ ভাৰপ্ৰাপ্ত বিষয়া আৰু আৰক্ষীয়ে সুৰা বিক্ৰী কৰি দিছে।
