বহুমুখী অভিনয় আৰু ব্যক্তিত্বৰ বাবে পৰিচিত বলীউডৰ শীৰ্ষ অভিনেত্ৰী সকলৰ ভিতৰত সোণাক্ষী সিনহাও অন্যতম। দাবাংগ, ৰাউডী ৰাথোৰ, ছন অৱ চৰ্দাৰ আদি হিট ছবিত অভিনয় কৰিছিল অভিনেত্ৰীগৰাকীয়ে।
সোণাক্ষী সিনহাই ২০২৪ চনৰ ২৩ জুনত অভিনেতা জহীৰ ইকবালৰ সৈতে বিবাহপাশত আবদ্ধ হয়। অনুৰাগীৰ মাজত ই অতিকৈ চৰ্চাৰ বিষয় হৈ পৰে। কিন্তু শেহতীয়াভাৱে দিয়া এক সাক্ষাৎকাৰত সোনাক্ষী সিনহাই জহীৰ ইকবালৰ সৈতে থকা সম্পৰ্কত ধৰ্মৰ বিষয় উত্থাপন কৰে।
সোণাক্ষী সিনহাই কয় যে, তেওঁলোকে কোনো ধৰ্মৰ কথা চিন্তা কৰা নাছিল। তেওঁলোকে ইজনে সিজনক ভাল পায় বিবাহপাশত আৱদ্ধ হৈছে। সোণাক্ষীয়ে কয় তেওঁৰ স্বামীয়ে তেওঁৰ ওপৰত নিজৰ ধৰ্ম জাপি দিয়া নাই। মই তেওঁৰ ওপৰত মোৰ ধৰ্ম জাপি দিয়া নাই। তেওঁলোকে কেতিয়াও ধৰ্মৰ কথা কোৱা নাই।
তেওঁলোকৰ বিবাহ হোৱাৰ আটাইতকৈ উত্তম উপায় আছিল বিশেষ বিবাহ আইন, যাৰ অধীনত তেওঁ এগৰাকী হিন্দু মহিলা হিচাপে তেওঁ ধৰ্ম সলনি কৰাৰ প্ৰয়োজন নাই, আৰু তেওঁ এগৰাকী মুছলমান পুৰুষ হিচাপে জহীৰো মুছলমান হৈয়ে থাকিব।
সোণাক্ষী সিনহাই প্ৰকাশ কৰে যে, প্ৰথমে মাতৃ পুনম সিনহাৰ সৈতে জহীৰৰ সৈতে থকা সম্পৰ্কৰ বিষয়ে কথা পাতে আৰু তাৰ পিছত পিতৃ শত্ৰুঘ্ন সিনহাৰ সৈতে আলোচনা কৰে।
ইয়াৰ পিছত পিতৃ-মাতৃৰ সম্পূৰ্ণ সন্মতিক্ৰমে তেওঁলোক দুয়োৱে বিবাহপাশত আৱদ্ধ হয়।
