বিশ্ব চেম্পিয়ন বক্সাৰ মেৰী কমৰ সৈতে জড়িত এটা ডাঙৰ খবৰ প্ৰকাশ পাইছে। বক্সাৰগৰাকীৰ ফৰিদাবাদস্থিত ঘৰত চুৰি হোৱা বুলি জানিব পৰা গৈছে। বক্সাৰগৰাকীৰ ঘৰত চুৰি হোৱা দৃশ্য বন্দী হৈছে চিচিটিভিত।
মেৰী কম মাৰাথন ইভেণ্টৰ বাবে মেঘালয়ত থকা অৱস্থাত সংঘটিত হয় এই ঘটনা।
ঘটনাৰ চিচিটিভি ফুটেজ পোহৰলৈ আহিছে, য’ত দেখা গৈছে যে চোৰে তেওঁৰ ঘৰৰ পৰা বহু সামগ্ৰী লৈ গৈছে। এই ফুটেজৰ ভিত্তিত আৰক্ষীয়ে অভিযুক্তক চিনাক্ত কৰাৰ প্ৰচেষ্টা আৰম্ভ কৰিছে।
অভিযুক্তক গ্ৰেপ্তাৰ কৰিবলৈ ছটা পৃথক দল গঠন কৰা হৈছে। শীঘ্ৰে অভিযুক্তক গ্ৰেপ্তাৰ কৰাৰ দাবী আৰক্ষী বিষয়াই।
বিশ্ব ছেম্পিয়ন বক্সাৰগৰাকীৰ ঘৰৰ পৰা কি কি সামগ্ৰী চোৰ হৈছে সেই কথা এতিয়ালৈকে জানিব পৰা হোৱা বা আৰক্ষীয়ে এই কথা ৰাজহুৱা কৰা। ঘটনা সন্দৰ্ভত মেৰী কমৰ তৰফৰ পৰাও কোনো প্ৰতিক্ৰিয়া প্ৰকাশ কৰা নাই।
এনে ঘটনাই কিংবদন্তি খেলুৱৈসকলৰ নিৰাপত্তাৰ ক্ষেত্ৰত হোৱা ত্ৰুটিক লৈও প্ৰশ্ন উত্থাপন হৈছে।
