অপাৰেশ্যন সিন্দূৰৰ পিছত প্ৰথমবাৰৰ বাবে দুদিনীয়া ভ্ৰমণসূচীৰে অহা ২৬ আৰু ২৭ মে’ত গৃহ ৰাজ্য গুজৰাটত উপস্থিত থাকিব প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰী মোদীৰ গুজৰাট ভ্ৰমণৰ পূৰ্বে পুনৰবাৰ ব্যৰ্থ হৈছে পাকিস্তানৰ ষড়যন্ত্ৰ।
ভাৰতীয় সীমান্ত বাহিনী চমুকৈ বি এছ এফে যোৱা নিশা গুজৰাট-পাকিস্তান সীমান্তত অনুপ্ৰৱেশৰ চেষ্টা চলোৱা পাকিস্তানৰ এগৰাকী নাগৰিকক গুলীয়াই হত্যা কৰে। বি এছ এফৰ জোৱানে বাৰম্বাৰ সকীয়নি দিয়াৰ পিছতো পাকিস্তানী নাগৰিকজনে ভাৰতৰ সীমান্তত প্ৰৱেশ কৰাৰ চেষ্টা চলাইছিল।
জানিব পৰা মতে বি এছ এফৰ জোৱানে অনুপ্ৰৱেশকাৰীক কেইবাবাৰো সতৰ্ক কৰি দিছিল যদিও লোকজনে নিৰাপত্তাৰক্ষীৰ কোনো কথা শুনা নাছিল।
গুজৰাট বি এছ এফ ফ্ৰন্টিয়াৰৰ জনসংযোগ বিষয়াৰ আনুষ্ঠানিক তথ্য অনুসৰি ২৩ মে’ৰ নিশা গুজৰাটৰ বনাছকাণ্ঠা জিলাত ভাৰতীয় সীমান্তত প্ৰৱেশ কৰিবলৈ চেষ্টা কৰা এজন পাকিস্তানী অনুপ্ৰৱেশকাৰী বি এছ এফৰ গুলীত নিহত হয়।
সম্প্ৰতি অনুপ্ৰৱেশকাৰীজনৰ সবিশেষ তথ্যৰ বাবে তদন্ত অব্যাহত ৰাখিছে।
